پاکستان ٹائمز

اسلام آباد، 4 اگست 2026 (غفران): وفاقی وزیر برائے منصوبہ بندی، ترقی و خصوصی اقدامات پروفیسر احسن اقبال نے اسلام آباد میں پاکستان میں اسپین کے سفیر کارلوس آراگون سے ملاقات کی، جس میں اعلیٰ تعلیم، زراعت، کھیلوں اور انسانی ترقی کے شعبوں میں دوطرفہ تعاون کو مزید فروغ دینے کے مختلف پہلوؤں پر تبادلہ خیال کیا گیا۔ وفاقی وزیر نے اسپین کے سفیر کا خیرمقدم کرتے ہوئے باہمی دلچسپی کے شعبوں میں اسپین کے ساتھ تعاون کو مزید وسعت دینے کے لیے پاکستان کے عزم کا اعادہ کیا۔ انہوں نے کہا کہ دونوں ممالک کے درمیان تعلیمی، اقتصادی اور ثقافتی روابط کو مزید مستحکم کرنے کے وسیع مواقع موجود ہیں۔ پروفیسر احسن اقبال نے پاکستان کے بین الاقوامی جامعات کے ساتھ بڑھتے ہوئے تعلیمی روابط کا ذکر کرتے ہوئے بتایا کہ یونیورسٹی آف نارووال اور یونیورسٹی آف گراناڈا کے درمیان تعاون کے قیام کے لیے مفاہمتی یادداشت (ایم او یو) کا مسودہ ...

سان فرانسسکو، 4 اگست 2026 (نوشین): ہیلینا اے آئی نے مصنوعی ذہانت پر مبنی ایک جدید مارکیٹنگ آٹومیشن پلیٹ فارم متعارف کرایا ہے، جس کا مقصد ڈیجیٹل مارکیٹنگ کے عمل کو زیادہ مؤثر، تیز اور خودکار بنانا ہے۔ مارکیٹنگ ماہرین اور اے آئی انجینئرز کی مشترکہ کاوش سے تیار کیے گئے اس پلیٹ فارم میں اشتہاری مہمات، سرچ انجن آپٹیمائزیشن، ای میل مارکیٹنگ اور کارکردگی کے تجزیے سمیت متعدد سہولیات کو ایک ہی نظام میں یکجا کیا گیا ہے. کمپنی کے مطابق ہیلینا اے آئی کی نمایاں خصوصیت یہ ہے کہ یہ اپنی کارکردگی کا مسلسل جائزہ لیتا ہے اور حقیقی مہمات کے نتائج کی بنیاد پر اپنی حکمتِ عملی کو خود بہتر بناتا رہتا ہے۔ روایتی آٹومیشن ٹولز کے برعکس یہ پلیٹ فارم کامیاب طریقۂ کار کی نشاندہی، کمزور کارکردگی والی مہمات کی اصلاح اور دستی نگرانی کی ضرورت کو کم کرنے کی صلاحیت رکھتا ہے۔ یہ اے آئی پلیٹ فارم کاروباری اداروں کو ایس ای ا...

اسلام آباد، 4 اگست 2026 (کامران راجہ): نائب وزیراعظم و وزیر خارجہ سینیٹر محمد اسحاق ڈار آج رات اردن کے ہاشمی مملکت کے دارالحکومت عمان روانہ ہوں گے، جہاں وہ 5 اگست 2026 کو یروشلم سے متعلق منعقد ہونے والے وزارتی اجلاس میں شرکت کریں گے۔ یہ دعوت اردن کے نائب وزیراعظم اور وزیر خارجہ و سمندر پار اردنیوں کے امور کے وزیر ایمن الصفدی کی جانب سے دی گئی ہے۔ اس اہم اجلاس میں عرب لیگ کے رکن ممالک اور پاکستان سمیت اسلامی ممالک کے وزرائے خارجہ شرکت کریں گے، جہاں مقبوضہ یروشلم میں تیزی سے بگڑتی ہوئی صورتحال پر مشترکہ اور متفقہ مؤقف اختیار کرنے کے حوالے سے مشاورت کی جائے گی۔ دورے کے دوران شریک وزرائے خارجہ اردن کے فرمانروا، شاہ عبداللہ دوم بن الحسین سے بھی ملاقات کریں گے۔ نائب وزیراعظم و وزیر خارجہ سینیٹر محمد اسحاق ڈار اجلاس کے موقع پر شریک ممالک کے وزرائے خارجہ سے اہم دوطرفہ ملاقاتیں بھی کریں گے، جن میں...

کراچی، 4 اگست 2026 (کامران راجہ): سندھ پکلبال ایسوسی ایشن کے زیر اہتمام اوپن سندھ پکلبال چیمپئن شپ 2026 کا آغاز منی اسپورٹس کمپلیکس، ناظم آباد کراچی میں ہوگیا۔ دو روزہ چیمپئن شپ یکم سے 2 اگست تک جاری رہے گی، جس میں سندھ بھر سے کھلاڑی بھرپور جوش و جذبے کے ساتھ شرکت کر رہے ہیں۔ چیمپئن شپ میں مجموعی طور پر 22 کھلاڑی حصہ لے رہے ہیں، جن میں 10 خواتین اور 12 مرد کھلاڑی شامل ہیں۔ مقابلے مردوں اور خواتین کے سنگلز، ڈبلز اور مکسڈ ڈبلز کی مختلف کیٹیگریز میں منعقد کیے جا رہے ہیں۔  چیمپئن شپ کی افتتاحی تقریب کے موقع پر منی اسپورٹس کمپلیکس میں نئے پکلبال کورٹ کا بھی افتتاح کیا گیا، جو صوبے میں اس تیزی سے مقبول ہونے والے کھیل کے فروغ اور جدید کھیلوں کی سہولیات کی فراہمی کی جانب ایک اہم پیش رفت قرار دیا جا رہا ہے۔ افتتاحی تقریب میں پاکستان اسٹوڈنٹس اولمپک ایسوسی ایشن  کے صدر مقبول آرائیں اور کراچی اسٹوڈن...

اسلام آباد، 4 اگست 2026 (نوشین): اوورسیز پاکستانیوں کے لیے سرکاری خدمات کو مزید مؤثر اور آسان بنانے کے سلسلے میں ایک اہم پیش رفت کے تحت پاکستان ہائی کمیشن لندن نے پنجاب میں واقع جائیدادوں کی براہِ راست ڈیجیٹل منتقلی کی سہولت کا آغاز کر دیا ہے، جس کے ذریعے بیرونِ ملک مقیم پاکستانی بغیر پاکستان آئے محفوظ، تیز رفتار اور مؤثر انداز میں اپنی جائیداد منتقل کر سکیں گے۔ یہ اقدام وزیرِ اعظم کے اس وژن کے مطابق کیا گیا ہے جس کا مقصد اوورسیز پاکستانیوں کو بہتر سہولیات فراہم کرنا اور قونصلر خدمات کے دائرہ کار کو مزید وسعت دینا ہے۔ اس نئے نظام کے تحت جائیداد کی منتقلی کا پورا عمل ایک محفوظ ڈیجیٹل پلیٹ فارم کے ذریعے مکمل کیا جائے گا۔ اس نئے طریقۂ کار کے تحت اوورسیز پاکستانیوں کو جائیداد کی منتقلی کے لیے نہ تو پاور آف اٹارنی بنوانے کی ضرورت ہوگی، نہ کسی تیسرے فریق یا ایجنٹ کی خدمات حاصل کرنا ہوں گی۔ یہ ...

اسلام آباد، 04 اگست 2026 (غفران): وزیراعظم کے مشیر برائے سیاسی امور رانا ثناء اللہ نے کہا ہے کہ وفاقی حکومت کے ایجنڈے میں نئے صوبوں کے قیام کی کوئی تجویز شامل نہیں اور نہ ہی اس حوالے سے پاکستان مسلم لیگ (ن) کا کوئی اجلاس منعقد ہوا ہے۔ انہوں نے کہا کہ پاکستان کا موجودہ پارلیمانی جمہوری نظام اور 1973 کا آئین آج بھی مؤثر اور مضبوط ہے اور ملک کی ضروریات کو پورا کرنے کی مکمل صلاحیت رکھتا ہے۔ منگل کے روز ایک نجی ٹی وی چینل کو دیے گئے انٹرویو میں رانا ثناء اللہ نے واضح کیا کہ نئے صوبوں کے قیام سے متعلق کسی قسم کی مشاورت یا غور و فکر نہیں کیا جا رہا اور یہ معاملہ حکومت کے زیر غور نہیں ہے۔ انہوں نے کہا کہ گزشتہ پانچ دہائیوں کے دوران سیاسی بحرانوں، فوجی مداخلتوں اور مختلف نوعیت کے عدم استحکام کے باوجود 1973 کے آئین اور پارلیمانی نظام نے وفاق کو مضبوط اور متحد رکھا۔ ان کے مطابق مسئلہ نظام میں نہیں ب...

اگست 03، 2026 (غفران): ماہرینِ ماحولیات اور سائنسدانوں نے خبردار کیا ہے کہ دنیا ماحولیاتی تبدیلی کے ایسے نازک مرحلے میں داخل ہو چکی ہے جہاں بعض قدرتی نظام ناقابلِ واپسی حدوں کے قریب پہنچ چکے ہیں۔ ماہرین کے مطابق اگر فوری اور مؤثر عالمی اقدامات نہ کیے گئے تو کرۂ ارض کو سنگین اور مستقل ماحولیاتی تبدیلیوں کا سامنا کرنا پڑ سکتا ہے۔ تازہ سائنسی رپورٹس کے مطابق دنیا نے گزشتہ گیارہ برسوں کے دوران ریکارڈ کی گئی تاریخ کے گرم ترین سال دیکھے ہیں، جبکہ سال 2026 میں عالمی درجہ حرارت عارضی طور پر 1.5 ڈگری سینٹی گریڈ کی اہم حد سے تجاوز کر گیا۔ عالمی موسمیاتی ماہرین کا کہنا ہے کہ ایل نینو کی شدت نے پہلے سے گرم ہوتی زمین پر مزید دباؤ ڈال دیا ہے، جس کے باعث شدید گرمی، خشک سالی اور موسمی بے ترتیبی میں اضافہ ہو رہا ہے۔ کیلیفورنیا انسٹی ٹیوٹ آف ٹیکنالوجی کی نئی تحقیق میں انکشاف کیا گیا ہے کہ سمندروں کے اوپر م...

واشنگٹن، 3 اگست 2026 (غفران): انٹرنیشنل کرکٹ کونسل (آئی سی سی) نے امریکا سے تعلق رکھنے والے کرکٹر اکھلیش ریڈی پر میچ فکسنگ اور انسدادِ بدعنوانی ضابطہ اخلاق کی متعدد خلاف ورزیوں کے الزامات ثابت ہونے کے بعد انہیں آٹھ سال کے لیے معطل کر دیا ہے۔ آئی سی سی کے مطابق 26 سالہ اکھلیش ریڈی کے خلاف کارروائی کا آغاز گزشتہ سال نومبر میں ابوظہبی ٹی ٹین لیگ کے دوران اینٹی کرپشن کوڈ کی خلاف ورزیوں کے الزامات پر کیا گیا تھا، جس کے بعد انہیں عارضی طور پر بھی معطل کر دیا گیا تھا۔ تفصیلی تحقیقات مکمل ہونے پر آئی سی سی کے آزاد ٹریبونل نے اکھلیش ریڈی کو میچوں کے نتائج پر اثر انداز ہونے کی کوشش، ایک دوسرے کھلاڑی کو بدعنوان سرگرمیوں میں ملوث کرنے کی کوشش اور تحقیقات سے متعلق اہم شواہد ضائع کرنے کا ذمہ دار قرار دیا۔ تحقیقات کے دوران یہ بھی سامنے آیا کہ اکھلیش ریڈی نے اپنے موبائل فون سے ایسے پیغامات اور دیگر ڈیٹا ...

کراچی، 3 اگست 2026 (غفران): سندھ کے وزیر محنت، انسانی وسائل اور سوشل سیکیورٹی سعید غنی نے اعلان کیا ہے کہ ایچ آئی وی سے متاثرہ تمام بچوں کو مکمل طبی علاج فراہم کیا جائے گا، جبکہ ان کے والدین کو 40 ہزار سے 80 ہزار روپے تک ماہانہ مالی معاونت بھی دی جائے گی۔ یہ اعلان انہوں نے ہیومن رائٹس کمیشن آف پاکستان کے نائب چیئرمین قاضی خضر کی سربراہی میں آنے والے تین رکنی وفد سے ملاقات کے دوران کیا۔ سعید غنی نے بتایا کہ ایچ آئی وی سے متاثرہ بچوں کی فلاح و بہبود کے لیے قائم کیے گئے اینڈومنٹ فنڈ کے شفاف استعمال کو یقینی بنانے کے لیے ایک آزاد اور خودمختار بورڈ تشکیل دیا جا رہا ہے۔انہوں نے مزید کہا کہ متاثرہ بچوں کے علاج کی نگرانی کے لیے ملک بھر کے ممتاز طبی ماہرین اور بڑے ہسپتالوں کے سربراہان پر مشتمل ایک خصوصی کمیٹی بھی قائم کی جا رہی ہے، جو علاج کے عمل کی مؤثر نگرانی کرے گی۔ صوبائی وزیر نے اس عزم کا اعا...

پرتگال، 3 اگست 2026 (نوشین): پرتگال کے عالمی شہرت یافتہ فٹبالر کرسٹیانو رونالڈو اور ان کی دیرینہ ساتھی جارجینا روڈریگز کے بارے میں غیر ملکی میڈیا نے دعویٰ کیا ہے کہ وہ 8 اگست کو پرتگال کے جزیرے مادیرا میں ایک نجی تقریب کے دوران رشتۂ ازدواج میں منسلک ہونے والے ہیں۔ غیر ملکی میڈیا رپورٹس کے مطابق مادیرا رونالڈو کے لیے خصوصی اہمیت رکھتا ہے کیونکہ یہ ان کی جائے پیدائش ہے اور انہوں نے اپنا بچپن بھی یہیں گزارا۔ رپورٹس میں بتایا گیا ہے کہ شادی کی تقریب مادیرا کے فنچل کیتھیڈرل میں منعقد ہونے کا امکان ہے، جس کے بعد منتخب مہمانوں کے اعزاز میں ایک پانچ ستارہ ہوٹل میں شاندار استقبالیہ دیا جائے گا۔ میڈیا رپورٹس کے مطابق اس تقریب کے پیش نظر لگژری ہوٹل کی دو منزلیں اور متعدد بارز جمعہ اور ہفتہ کے روز عام عوام کے لیے بند رہیں گے، جس سے یہ قیاس آرائیاں مزید مضبوط ہو گئی ہیں کہ یہ مقام رونالڈو اور جارجینا...