پاکستان ٹائمز

لاہور، 11 اگست 2026 (نوشین): لاہور ہائیکورٹ کی چیف جسٹس جسٹس عالیہ نیلم نے اپنی مدتِ چیف جسٹس کے دوران عدالتِ عالیہ میں ججوں کی تمام 23 خالی نشستیں پُر کروا کر ایک اہم سنگِ میل حاصل کر لیا۔ لاہور میں منعقدہ ایک تقریب میں لاہور ہائیکورٹ کے 10 نئے مقرر ہونے والے ججوں نے اپنے عہدوں کا حلف اٹھایا، جس کی تقریباً چیف جسٹس جسٹس عالیہ نیلم نے حلف لیا۔حلف اٹھانے والے ججوں میں جسٹس سید فرہاد علی شاہ، جسٹس امجد پرویز، جسٹس اسد علی باجوہ، جسٹس غلام سرور ناہنگ، جسٹس شیرین عمران، جسٹس عثمان غنی راشد چیمہ، جسٹس منور ڈوگل، جسٹس عامر اجمل ملک، جسٹس خالد ابن عزیز اور جسٹس اجمل خان شامل ہیں۔23 خالی نشستوں پر بڑی تعداد میں تقرریاں جسٹس عالیہ نیلم کے دورِ چیف جسٹس میں کی گئیں، جس کے باعث وہ لاہور ہائیکورٹ کی تمام خالی ججوں کی نشستیں اس پیمانے پر پُر کروانے والی پہلی چیف جسٹس بن گئی ہیں۔ نئے ججوں کی تقرریوں کی ...

اسلام آباد، 11 اگست 2026 (نوشین): وفاقی وزیر داخلہ محسن رضا نقوی منگل کو سرکاری دورے پر تہران پہنچ گئے، جہاں پاکستان آبنائے ہرمز سے متعلق کشیدگی کے دوران ایران اور امریکہ کے درمیان مذاکرات کی راہ ہموار کرنے کے لیے اپنی سفارتی کوششیں جاری رکھے ہوئے ہے۔ دورے کے دوران محسن نقوی کی اعلیٰ ایرانی حکام سے ملاقاتیں متوقع ہیں، جن میں آبنائے ہرمز کی صورتحال، پاک ایران دوطرفہ تعلقات اور باہمی دلچسپی کے دیگر امور پر تبادلہ خیال کیا جائے گا۔ ایرانی میڈیا نے ان کی آمد کی تصدیق کی ہے، تاہم ملاقاتوں کے مکمل شیڈول کی تفصیلات فوری طور پر سامنے نہیں آئیں۔ محسن نقوی کی ایرانی حکام سے ملاقاتوں میں آبنائے ہرمز کی صورتحال اہم موضوع رہے گی۔ آبنائے ہرمز عالمی توانائی کی ترسیل کے لیے ایک اہم بحری گزرگاہ ہے، جبکہ ایران امریکہ کشیدگی کے تناظر میں اس کی سیکیورٹی بھی اہم مسئلہ بن چکی ہے۔ پاکستان ایران اور امریکہ کے در...

لاہور، 11 اگست 2026 (غفران): پاکستان کے قیام کے وقت 1947 میں ملک کی پہلی دستور ساز اسمبلی کے ارکان کو ماہانہ تنخواہ نہیں دی جاتی تھی بلکہ اسمبلی کے اجلاس کے دنوں میں 21 روپے یومیہ الاؤنس دیا جاتا تھا۔ سفری الاؤنس شامل کرنے کے بعد یہ رقم 45 روپے یومیہ بنتی تھی۔تقریباً آٹھ دہائیوں بعد قومی اسمبلی کے رکن کی بنیادی ماہانہ تنخواہ 6 لاکھ روپے تک پہنچ چکی ہے، جبکہ اس کے علاوہ ارکانِ پارلیمنٹ کو مختلف الاؤنسز، سفری سہولیات اور دیگر مراعات بھی حاصل ہیں۔ ارکانِ پارلیمنٹ کی تنخواہوں اور مراعات میں یہ اضافہ ایسے معاشی پس منظر میں ہوا ہے جو ابتدائی دور سے نمایاں طور پر مختلف ہے۔ پاکستان کے وفاقی بجٹ اکثر بڑے مالی خساروں کے ساتھ پیش کیے جاتے رہے ہیں، جبکہ پاکستان اکنامک سروے 2025-26 کے مطابق 2024-25 میں کھپت پر مبنی غربت کی شرح بڑھ کر 28.9 فیصد ہوگئی، دیہی علاقوں میں یہ شرح 36.2 فیصد جبکہ شہری علاقوں می...

راولپنڈی، 11 اگست 2026 (کامران راجہ): سیکیورٹی فورسز نے 10 اگست 2026 کو بلوچستان کے ضلع پنجگور میں انٹیلی جنس کی بنیاد پر کیے گئے تیز رفتار آپریشن کے دوران فتنۃ الہندوستان سے تعلق رکھنے والے 5 دہشت گردوں کو ہلاک کر دیا۔یہ کارروائی دہشت گردی کے خلاف جاری آپریشن کا حصہ تھی، جس کا مقصد بھارتی سرپرستی میں سرگرم دہشت گرد پراکسیز کا خاتمہ اور خطے میں پائیدار امن و استحکام کو یقینی بنانا ہے۔آپریشن کے دوران سیکیورٹی فورسز نے دہشت گردوں کے قبضے سے بڑی مقدار میں اسلحہ، گولہ بارود اور دیسی ساختہ بارودی آلات (آئی ای ڈیز) برآمد کرکے موقع پر ہی تباہ کر دیے۔ علاقے میں موجود ممکنہ خطرات کے خاتمے کے لیے بعد ازاں کلیئرنس اور سینیٹائزیشن آپریشن بھی کیا گیا۔ وفاقی ایپکس کمیٹی برائے نیشنل ایکشن پلان کی منظوری سے شروع کیے گئے وژن ’’عزمِ استحکام‘‘ کے تحت سیکیورٹی فورسز اور قانون نافذ کرنے والے اداروں کی جانب سے ...

اسلام آباد، 11 اگست 2026 (نوشین): نائب وزیراعظم و وزیر خارجہ سینیٹر محمد اسحاق ڈار نے آج سینیگال کے وزیر خارجہ عزت مآب شیخ نیانگ سے ٹیلی فون پر گفتگو کی۔گفتگو کے دوران دونوں وزرائے خارجہ نے باہمی دلچسپی کے تمام شعبوں میں پاکستان اور سینیگال کے دوطرفہ تعلقات کو مزید مضبوط بنانے کے عزم کا اعادہ کیا۔دونوں جانب سے کثیرالجہتی فورمز، بالخصوص اقوام متحدہ میں جاری تعاون اور رابطہ کاری کو مزید بڑھانے پر بھی اتفاق کیا گیا۔گفتگو میں دونوں ممالک کے درمیان سفارتی روابط کو مزید فروغ دینے اور آنے والے دنوں میں باہمی مفاد پر مبنی تعاون کو مضبوط بنانے کی خواہش کا اظہار کیا گیا۔...

اسلام آباد، 11 اگست 2026 (غفران): پاکستان میں یونائیٹڈ اسٹیٹس ایجوکیشنل فاؤنڈیشن اور ہائر ایجوکیشن کمیشن پاکستان کے درمیان پانچ سالہ معاہدہ پر دستخط کیے گئے ہیں، جس کا مقصد امریکہ اور پاکستان کے درمیان تعلیمی تبادلے کے پروگراموں، بشمول معروف فل برائٹ اسکالرشپ پروگرام، کو وسعت دینا اور ان کی معاونت کرنا ہے۔ یہ معاہدہ اعلیٰ تعلیم اور تعلیمی تبادلوں کے ذریعے باہمی معاشی خوشحالی، سلامتی، سائنسی اور تکنیکی ترقی کے فروغ کے لیے امریکہ اور پاکستان کے مشترکہ عزم کی عکاسی کرتا ہے۔ معاہدے پر یونائیٹڈ اسٹیٹس ایجوکیشنل فاؤنڈیشن کے ایگزیکٹو ڈائریکٹر ڈاکٹر پیٹر موران اور ہائر ایجوکیشن کمیشن کے ایگزیکٹو ڈائریکٹر پروفیسر ڈاکٹر ضیاء الحق نے آج اسلام آباد میں یونائیٹڈ اسٹیٹس ایجوکیشنل فاؤنڈیشن کے ہیڈکوارٹرز میں دستخط کیے۔معاہدے کے تحت معاونت حاصل کرنے والے پروگرام مستقبل کے رہنماؤں، اسکالرز، محققین اور ماہری...

اسلام آباد، 11 اگست 2026 (نوشین): نائب وزیراعظم و وزیر خارجہ سینیٹر محمد اسحاق ڈار نے 14ویں جنوبی ایشیائی کھیلوں کی تیاریوں کا جائزہ لینے کے لیے اجلاس کی صدارت کی۔ پاکستان مارچ 2027 میں ان کھیلوں کی میزبانی کرے گا۔اجلاس میں نائب وزیراعظم نے کھیلوں کے مختلف اہم امور کی نگرانی کے لیے ذیلی کمیٹیاں تشکیل دینے کی ہدایت کی، جن میں مالی معاملات، انفراسٹرکچر کی ترقی اور اپ گریڈیشن، کھلاڑیوں کی تربیت و تیاری اور لاجسٹک انتظامات شامل ہیں۔ سینیٹر اسحاق ڈار نے ہدایت کی کہ بروقت منصوبہ بندی اور تمام متعلقہ اداروں کے درمیان قریبی رابطے کو یقینی بنایا جائے تاکہ پاکستان ان کھیلوں کی بہترین معیار کے مطابق میزبانی کر سکے .انہوں نے کہا کہ 14ویں جنوبی ایشیائی کھیل پاکستان کے لیے اپنی کھیلوں کی صلاحیت، مہمان نوازی اور انتظامی استعداد دنیا کے سامنے اجاگر کرنے کا اہم موقع ہیں۔ انہوں نے کہا کہ ان کھیلوں کے ذریعے ...

ماسکو، 11 اگست 2026 ( کامران راجہ): روسی وزارت خارجہ کی ترجمان ماریا زاخارووا نے تاتارستان کے شہر نزہنیکامسک میں شہری تنصیبات پر ہونے والے دہشت گرد حملے کی شدید مذمت کرتے ہوئے کہا ہے کہ حملے میں کم از کم 13 افراد ہلاک ہوئے، جن میں زیادہ تر غیر ملکی شہری شامل ہیں۔ماریا زاخارووا کے مطابق ابتدائی اطلاعات میں ہلاک ہونے والوں میں ازبکستان کے 8 اور تاجکستان کا ایک شہری شامل ہے، جبکہ حملے میں تقریباً 20 دیگر غیر ملکی شہری زخمی ہوئے۔ یہ حملہ 10 اگست کو کیا گیا۔روسی ترجمان نے کہا کہ حملے میں ان تنصیبات کو نشانہ بنایا گیا جہاں روس کے دوست ممالک کے شہری رہائش پذیر اور کام کرتے ہیں۔ ان کے بقول حملہ آور ممالک کے درمیان اختلافات پیدا کرنے اور باہمی تعلقات کو نقصان پہنچانے کی کوشش کر رہے تھے۔ انہوں نے کہا کہ یوکرینی جنگجوؤں کی جانب سے کیے گئے دہشت گرد حملوں میں صرف روسی شہری ہی نہیں بلکہ غیر ملکی شہری بھ...

  اسلام آباد، 11 اگست 2026 (کامران راجہ): پاکستان تحریک انصاف کے بانی عمران خان کے وکیل بیرسٹر سلمان صفدر نے عمران خان اور ان کی اہلیہ بشریٰ بی بی کو مبینہ طور پر تنہائی میں رکھے جانے سے متعلق کیس میں تحریری دلائل عدالت میں جمع کرا دیے۔بیرسٹر سلمان صفدر نے اڈیالہ جیل کے سپرنٹنڈنٹ کی جانب سے جمع کرائی گئی رپورٹ کو حقائق کے منافی اور گمراہ کن قرار دیتے ہوئے عدالت سے مطالبہ کیا کہ صورتحال کا آزادانہ جائزہ لینے کے لیے جوڈیشل اسسٹنٹ، لوکل کمیشن یا امیکس کیوری مقرر کیا جائے۔تحریری دلائل میں استدعا کی گئی کہ کمیشن عمران خان اور بشریٰ بی بی سے ملاقات کرے، جس کے بعد عدالت اس کی جائزہ رپورٹ طلب کرے۔ وکیل نے دونوں قیدیوں کو عدالت میں طلب کرکے مبینہ تنہائی میں رکھے جانے سے متعلق ان کے بیانات قلمبند کرنے کی بھی درخواست کی۔ ان کا کہنا تھا کہ ضرورت پڑنے پر ویڈیو لنک کے ذریعے بھی بیانات ریکارڈ کیے ج...

اسلام آباد، 11 اگست 2026 (نوشین): وفاقی وزیر منصوبہ بندی و ترقی احسن اقبال نے کہا ہے کہ پی ٹی آئی کے بانی عمران خان کی صحت کے حوالے سے کسی کو فکر مند ہونے کی ضرورت نہیں، انہیں جیل میں بہترین طبی سہولیات اور ڈاکٹروں کی خدمات فراہم کی جا رہی ہیں۔دنیا نیوز کے پروگرام ”دنیا مہر بخاری کے ساتھ“ میں گفتگو کرتے ہوئے احسن اقبال نے کہا کہ حکومت پی ٹی آئی بانی کی صحت پر کوئی سمجھوتہ نہیں کرے گی۔ انہوں نے کہا کہ عمران خان سیاسی قیدی نہیں بلکہ سزا یافتہ قیدی ہیں اور انہیں جیل میں تمام ضروری طبی سہولیات فراہم کی جا رہی ہیں، جبکہ ماہر ڈاکٹروں کی خدمات بھی دستیاب ہیں۔وفاقی وزیر نے کہا کہ عمران خان کی صحت کے معاملے میں کسی قسم کی غفلت نہیں برتی جا رہی۔ وہ اسی سیل میں موجود ہیں جہاں انہیں قید کیا گیا تھا اور انہیں تمام ضروری طبی سہولیات فراہم کی جا رہی ہیں۔ انہوں نے کہا کہ حکومت ان کی صحت کے حوالے سے تمام ض...