Tag: thepakistantimes.newsk

راولپنڈی، 18 اکتوبر 2026 (غفران): سلمان علی آغا کی شاندار سنچری کی بدولت پاکستان نے سہ ملکی ایک روزہ کرکٹ سیریز کے افتتاحی میچ میں سری لنکا کو جیت کے لیے 306 رنز کا ہدف دے دیا۔ راولپنڈی کرکٹ اسٹیڈیم میں کھیلے جانے والے میچ میں پاکستان کی پوری ٹیم 49.5 اوورز میں 305 رنز بنا کر آؤٹ ہوگئی۔ ٹاس جیتنے کے بعد سری لنکا نے پہلے فیلڈنگ کا فیصلہ کیا اور پاکستان کو بیٹنگ کی دعوت دی۔ پاکستان کی جانب سے سلمان علی آغا نے ذمہ دارانہ اور جارحانہ بیٹنگ کرتے ہوئے 107 رنز بنائے۔ بابر اعظم نے 45 رنز کی اننگز کھیلی، جبکہ سعد بیگ نے 39 رنز اسکور کیے۔ حسن نواز نے 37، عرفات منہاس نے 18 اور فخر زمان نے 16 رنز بنائے۔ صائم ایوب سات جبکہ فہیم اشرف چھ رنز بنا سکے۔ سری لنکا کی جانب سے ایشان ملنگا نے چار وکٹیں حاصل کیں، جبکہ اسیتھا فرنینڈو نے تین پاکستانی کھلاڑیوں کو آؤٹ کیا اور پاکستان کو 305 رنز تک محدود رکھنے میں اہم...

لاہور، 18 اکتوبر 2026 (کامران راجہ): سلطان آف جوہر کپ 2026 میں پاکستان کی جونیئر ہاکی ٹیم نے شاندار کارکردگی کا مظاہرہ کرتے ہوئے اپنے دوسرے مقابلے میں کینیڈا کو دو کے مقابلے میں چھ گول سے شکست دے دی۔ پاکستانی کھلاڑیوں نے کھیل کے آغاز ہی سے حریف ٹیم پر دباؤ برقرار رکھا اور نویں منٹ میں حمزہ فیاض نے گیند کو جال میں پہنچا کر پاکستان کا کھاتہ کھولا۔ پانچ منٹ بعد حمزہ علی نے دوسرا گول کرکے ٹیم کی برتری بڑھا دی، جبکہ پچیسویں منٹ میں رانا عبداللہ سمیع نے تیسرا گول اسکور کیا۔ کینیڈا کی جانب سے بھلر گرنور نے تیسویں منٹ میں گول کرکے خسارہ کم کرنے کی کوشش کی، تاہم اڑتیسویں منٹ میں رانا ولید نے پاکستان کی جانب سے چوتھا گول کرکے ٹیم کی پوزیشن مزید مستحکم کر دی۔ کینیڈین کھلاڑی یوگیشوارن ابھیرام نے پینتالیسویں منٹ میں دوسرا گول اسکور کیا، جس سے مقابلے کا اسکور دو کے مقابلے میں چار ہو گیا۔ میچ کے آخری مرح...

تاشقند، 18 اکتوبر 2026 (نوشین): پاکستان نے آئی ایچ ایف ایشیا زون تھری ویمنز نیشنز ہینڈبال ٹرافی میں کانسی کا تمغہ جیت کر خواتین کی ہینڈبال میں اہم کامیابی حاصل کر لی۔ ٹورنامنٹ کی میزبان ازبکستان کی ٹیم نے ٹرافی اپنے نام کی، جبکہ ترکمانستان نے چاندی اور پاکستان نے کانسی کا تمغہ حاصل کیا۔ کرغزستان چوتھے اور تاجکستان پانچویں نمبر پر رہے۔ پاکستان نے ٹورنامنٹ میں اپنی مہم کا آغاز 13 اکتوبر کو ترکمانستان کے خلاف میچ سے کیا، جس میں اسے 19 کے مقابلے میں 38 گولز سے شکست کا سامنا کرنا پڑا۔ دوسرے میچ میں 14 اکتوبر کو پاکستان کو میزبان ازبکستان کے ہاتھوں 8 کے مقابلے میں 46 گولز سے شکست ہوئی۔ تاہم، پاکستان نے تیسرے میچ میں شاندار کم بیک کرتے ہوئے 15 اکتوبر کو تاجکستان کو 14 کے مقابلے میں 36 گولز سے شکست دے دی۔ اس میچ میں پاکستانی ٹیم کی کپتان سحرش کو بہترین کھلاڑی قرار دیا گیا۔ پاکستان نے اپنا آخری میچ...

اسلام آباد، 18 اکتوبر 2026 (غفران): پاکستان کے قومی کھیل ہاکی کی بحالی کی کوششوں میں اہم پیشرفت سامنے آئی ہے، جہاں نیشنل بینک آف پاکستان نے اپنی ڈیپارٹمنٹل ہاکی ٹیم دوبارہ قائم کرنے کا فیصلہ کیا ہے۔ اس اقدام کو ملک میں ہاکی کے لیے ادارہ جاتی سرپرستی کی بحالی کی جانب ایک اہم قدم قرار دیا جا رہا ہے۔ اس فیصلے کا ہاکی برادری نے خیرمقدم کیا ہے، بالخصوص ان باصلاحیت نوجوان کھلاڑیوں کے لیے یہ خبر خوش آئند ہے جو روزگار کے مستقل مواقع اور اعلیٰ سطح پر اپنی صلاحیتوں کے اظہار کے لیے ایک مؤثر پلیٹ فارم کے منتظر تھے۔ کھلاڑیوں کی بھرتی کا عمل فوری طور پر شروع کیا جا رہا ہے، جبکہ نیشنل بینک کی ہاکی ٹیم آئندہ نیشنل گیمز میں بھی حصہ لے گی۔ پاکستان ہاکی فیڈریشن نے اس اقدام کا بھرپور خیرمقدم کرتے ہوئے امید ظاہر کی ہے کہ ایک بڑے قومی ادارے کی ڈیپارٹمنٹل ہاکی میں واپسی سے ملکی ہاکی کے ڈھانچے کو استحکام ملے گا ا...

اسلام آباد، 18 اکتوبر 2026 (نوشین): وزیراعظم شہباز شریف نے وفاقی دارالحکومت اسلام آباد میں دانش اسکول کا افتتاح کر دیا، جو ہونہار طلبہ کے لیے تعلیمی مواقع بڑھانے کی جانب ایک اہم قدم ہے۔ افتتاحی تقریب کے دوران وزیراعظم کو دانش اسکول اسلام آباد کی سہولیات اور تعلیمی انتظامات کے حوالے سے بریفنگ دی گئی۔ حکام نے بتایا کہ اسکول 30 ایکڑ رقبے پر تعمیر کیا گیا ہے، جہاں ابتدائی طور پر چھٹی، ساتویں اور آٹھویں جماعت کی کلاسز شروع کی گئی ہیں۔ ہر جماعت میں 120 طلبہ و طالبات تعلیم حاصل کر رہے ہیں۔ بریفنگ میں مزید بتایا گیا کہ مختلف علاقوں سے 360 ہونہار طلبہ و طالبات کو سو فیصد میرٹ کی بنیاد پر داخلہ دیا گیا ہے۔ فی الحال اسکول میں 38 اساتذہ بھرتی کیے گئے ہیں، جبکہ ضروریات کے مطابق تدریسی عملے میں مزید اضافہ کیا جائے گا۔ اسکول میں لڑکوں اور لڑکیوں کے لیے الگ الگ تعلیمی بلاکس قائم کیے گئے ہیں، جن میں سے ہر ...