Tag: thepakistantimes.net

انقرہ، 6 نومبر 2026 (کامران راجہ): ترکیہ کی پارلیمنٹ نے پاکستان، سعودی عرب اور ترکیہ کے درمیان طے پانے والے مکہ مشترکہ دفاعی معاہدے کی توثیق کر دی ہے، جسے تینوں ممالک کے درمیان دفاعی تعاون اور علاقائی سلامتی کے فروغ کی جانب اہم پیش رفت قرار دیا جا رہا ہے۔ ترک میڈیا رپورٹس کے مطابق پارلیمنٹ میں معاہدے کے حق میں 279 جبکہ مخالفت میں 119 ووٹ ڈالے گئے، اس طرح 600 رکنی ایوان میں مجموعی طور پر 398 ارکان نے ووٹنگ میں حصہ لیا۔ ترک پارلیمنٹ کی خارجہ امور کمیٹی کے چیئرمین نے معاہدے کو مکمل طور پر دفاعی نوعیت کا قرار دیتے ہوئے کہا کہ اس کا مقصد کسی دوسرے ملک کو نشانہ بنانا یا اس کے خلاف جارحیت کرنا نہیں ہے۔ حکمران جماعت جسٹس اینڈ ڈویلپمنٹ پارٹی (اے کے پارٹی) کے رکن پارلیمنٹ ضیا آلتونیالدز نے کہا کہ اس معاہدے کا مقصد سکیورٹی تعاون کو فروغ دینا اور خطے میں استحکام مضبوط بنانا ہے۔ مکہ مشترکہ دفاعی معاہدے...

لاہور، 6 نومبر 2026 (نوشین): وفاقی حکومت نے گوجرانوالہ اور ساہیوال میں 8 نومبر کو ہونے والے ضمنی انتخابات کے دوران امن و امان برقرار رکھنے اور شفاف و پُرامن پولنگ کو یقینی بنانے کے لیے پاک فوج اور پنجاب رینجرز کی تعیناتی کی منظوری دے دی ہے۔ منظور شدہ سکیورٹی پلان کے مطابق دونوں فورسز 7 سے 9 نومبر تک اسٹینڈ بائی رہیں گی تاکہ انتخابات سے قبل، پولنگ کے دوران اور اس کے فوری بعد کسی بھی ہنگامی صورتحال سے نمٹا جا سکے۔ سکیورٹی انتظامات قومی اسمبلی کے حلقہ این اے 77 گوجرانوالہ ون اور پنجاب اسمبلی کے حلقہ پی پی 203 ساہیوال سکس میں کیے جائیں گے، جہاں پاکستان مسلم لیگ (ن) کے دو ارکان اسمبلی کے انتقال کے باعث ضمنی انتخابات منعقد ہو رہے ہیں۔ وزارت داخلہ و انسدادِ منشیات نے الیکشن کمیشن آف پاکستان کی جانب سے 30 ستمبر اور 2 اکتوبر 2026 کو بھجوائی گئی درخواستوں کی روشنی میں تعیناتی کی منظوری دی۔ تین سطحی ...

راولپنڈی، 6 نومبر 2026 (غفران): پاکستان اور تاجکستان کی افواج کے درمیان انسدادِ دہشت گردی کی مشترکہ فوجی مشق دوستي تھری کامیابی کے ساتھ اسپیشل آپریشنز اسکول، چیرات میں اختتام پذیر ہو گئی۔ مشق کا آغاز 26 اکتوبر کو ہوا تھا، جس میں دونوں ممالک کے فوجی دستوں نے شرکت کی۔ پاک فوج کے شعبہ تعلقات عامہ (آئی ایس پی آر) کی جانب سے جاری بیان کے مطابق، مشق کا بنیادی مقصد انسدادِ دہشت گردی کے شعبے میں تجربات کا تبادلہ، آپریشنل مشقوں اور طریقہ کار کو مزید بہتر بنانا اور باہمی تربیت و بہترین عملی طریقوں کے تبادلے کے ذریعے جنگی صلاحیتوں میں اضافہ کرنا تھا۔ اس مشترکہ سرگرمی کے دوران دونوں ممالک کے فوجی اہلکاروں کو ایک دوسرے کے پیشہ ورانہ تجربات اور مہارتوں سے استفادہ کرنے کا موقع ملا، جبکہ بدلتے ہوئے سکیورٹی چیلنجز سے نمٹنے کے لیے باہمی تیاری اور عملی تعاون کو بھی فروغ دیا گیا۔ آئی ایس پی آر کے مطابق دوستي ...

اسلام آباد، 5 نومبر 2026 (نوشین): عالمی شہرت یافتہ ڈی جے اور میوزک پروڈیوسر ایلن واکر کے دورہ لاہور کے دوران پاکستانی گلوکاروں کے ساتھ ممکنہ میوزیکل اشتراک کے اشاروں نے مداحوں میں جوش و خروش پیدا کر دیا ہے۔ ناروے اور برطانیہ سے تعلق رکھنے والے معروف موسیقار، جو عالمی ہٹ گانے ’فیڈڈ‘ کے باعث دنیا بھر میں پہچانے جاتے ہیں، نے سوشل میڈیا پر پاکستانی گانے ’الفاظ‘ سے وابستہ گلوکاروں حمزہ ملک اور میوزیکل جوڑی زین اور زوہیب کے ساتھ تصاویر اور ویڈیوز شیئر کیں، جس کے بعد ممکنہ مشترکہ میوزیکل پروجیکٹ سے متعلق قیاس آرائیاں شروع ہو گئیں۔ معاملے کا آغاز اس وقت ہوا جب ایلن واکر نے اپنے انسٹاگرام اسٹوری پر گانے ’الفاظ‘ کی میوزک ویڈیو شیئر کی اور اس میں گلوکاروں کے پیچھے موجود ایک پراسرار نقاب پوش کردار کی نشاندہی کی، جس کی شناخت ان کے اپنے مخصوص نقاب پوش انداز سے ملتی جلتی دکھائی دیتی تھی۔ ایلن واکر نے دلچ...