Tag: dailyPakistanTimesNews

اسلام آباد، 5 ستمبر 2026 (غفران): پاکستان براڈکاسٹنگ کارپوریشن (پی بی سی) کو ایشیا پیسیفک میڈیا پارٹنرشپ کی آرگنائزنگ کمیٹی کے 16 بانی اراکین میں شامل کر لیا گیا ہے۔ یہ پارٹنرشپ چین کے شہر شینزن میں منعقدہ ایشیا پیسیفک میڈیا فورم کے موقع پر باضابطہ طور پر لانچ کی گئی۔ پی بی سی کی شمولیت پاکستان کے قومی نشریاتی ادارے کے لیے ایک اہم اعزاز ہے اور اس کے ذریعے پاکستان کو ایشیا پیسیفک خطے میں میڈیا اداروں اور تحقیقی مراکز کے درمیان تعاون کے لیے قائم اہم علاقائی پلیٹ فارم پر نمائندگی حاصل ہوگی۔ آرگنائزنگ کمیٹی پارٹنرشپ پروگرام کے قواعد و ضوابط پر مشاورت اور اس کے تحت مختلف سرگرمیوں میں رابطہ کاری کرے گی، جبکہ ژنہوا نیوز ایجنسی پروگرام کے سیکریٹریٹ کی میزبانی کرے گی۔ پارٹنرشپ کے چار بنیادی شعبوں میں اعلیٰ سطحی مکالمہ، مربوط ابلاغ، تکنیکی جدت اور عملی تعاون شامل ہیں۔ اس اقدام کے تحت خبروں اور مواد ...

اسلام آباد، 5 ستمبر 2026 (نوشین): ڈپٹی وزیراعظم و وزیر خارجہ سینیٹر محمد اسحاق ڈار سے ہفتے کے روز جنیوا میں اقوام متحدہ کے لیے پاکستان کے مستقل نمائندے سفیر طاہر اندرابی نے الوداعی ملاقات کی۔ دفتر خارجہ کے ترجمان کے مطابق ڈپٹی وزیراعظم نے وزارت خارجہ میں سفیر طاہر اندرابی کی گراں قدر خدمات کو سراہا، بالخصوص ترجمان اور ایڈیشنل سیکریٹری اے سی ڈی آئی ایس کی حیثیت سے ان کی خدمات کا اعتراف کیا۔ اسحاق ڈار نے وزارت خارجہ کی اسٹریٹجک کمیونیکیشن کو مضبوط بنانے میں سفیر اندرابی کے مؤثر کردار کو بھی سراہا۔ ڈپٹی وزیراعظم نے اس اعتماد کا اظہار کیا کہ سفیر طاہر اندرابی جنیوا میں پاکستان کے مفادات کے فروغ اور کثیرالجہتی سفارتی روابط کو مزید مضبوط بنانے میں اپنا کردار جاری رکھیں گے، خصوصاً اقوام متحدہ کی کانفرنس برائے تخفیف اسلحہ کی موجودہ پاکستانی صدارت کے دوران۔اسحاق ڈار نے سفیر طاہر اندرابی کے لیے نئی ...

اسلام آباد، 5 ستمبر 2026 (کامران راجہ): میجر جنرل فیصل نصیر کو تین سال کے لیے نیشنل کاؤنٹر ٹیررازم اتھارٹی (نیکٹا) کا نیشنل کوآرڈینیٹر مقرر کیے جانے کے بعد دہشت گردی اور انتہاپسندی کے خلاف قومی سطح پر رابطہ کاری کے ذمہ دار ادارے کے کردار اور مؤثریت ایک بار پھر توجہ کا مرکز بن گئی ہے۔ اسٹیبلشمنٹ ڈویژن کے نوٹیفکیشن کے مطابق فیصل نصیر کو نیکٹا ایکٹ 2013 کی دفعہ 9(1) کے تحت ڈیپوٹیشن پر فوری طور پر نیشنل کوآرڈینیٹر مقرر کیا گیا ہے۔ نیکٹا 2008 میں قائم کیا گیا تھا جبکہ نیکٹا ایکٹ 2013 کے تحت اسے انتظامی اور مالی خودمختاری دی گئی۔ ادارے کو قومی سطح پر انسدادِ دہشت گردی اور انسدادِ انتہاپسندی کی کوششوں میں رابطہ کاری، حکمتِ عملی اور ایکشن پلانز کی تیاری، ان پر عمل درآمد کی نگرانی، تحقیق اور متعلقہ قومی و بین الاقوامی اداروں کے ساتھ رابطہ کاری کی ذمہ داریاں سونپی گئی تھیں۔ دسمبر 2014 کے آرمی پبلک ا...

اسلام آباد، 5 ستمبر 2026 (غفران): وفاقی وزیر داخلہ محسن نقوی نے کہا ہے کہ نئے انتظامی یونٹس کا قیام عوام کی خواہشات اور رائے کی بنیاد پر ہونا چاہیے، جبکہ موجودہ نظام میں بہتری کے لیے ’’سسٹم ری سیٹ‘‘ وقت کی اہم ضرورت ہے۔ ہفتے کے روز گفتگو کرتے ہوئے محسن نقوی نے نظام کے ’’مکمل طور پر ناکام ہونے‘‘ سے متعلق اپنے سابقہ بیان کی وضاحت کرتے ہوئے کہا کہ ان کا بیان کسی مخصوص سیاسی جماعت کے خلاف نہیں تھا۔ انہوں نے کہا کہ ’’ری سیٹ کا مطلب نظام کو توڑنا نہیں بلکہ غلطیوں کو درست کرنا ہے۔‘‘ وفاقی وزیر داخلہ نے وضاحت کی کہ اگر کوئی ادارہ یا کمپنی مؤثر طریقے سے کام نہ کر رہی ہو تو اسے ختم کرنے کے بجائے اس کی کارکردگی بہتر بنانے کے لیے غور و خوض کیا جاتا ہے۔محسن نقوی نے کہا کہ نئے انتظامی یونٹس کے قیام کے حوالے سے کوئی بھی پیش رفت اس وقت ہی ممکن ہوگی جب اسے پاکستان کے عوام کی حمایت اور تائید حاصل ہو۔ انہوں ...

اسلام آباد، 5 ستمبر 2026 (کامران راجہ): نائب وزیراعظم و وزیر خارجہ سینیٹر محمد اسحاق ڈار نے متعلقہ حکام کو جنوبی ایشین فیڈریشن گیمز کے کامیاب انعقاد کے لیے باہمی رابطہ کاری یقینی بنانے، کھیلوں کے مقامات کی بروقت تکمیل اور اعلیٰ ترین معیار برقرار رکھنے کی ہدایت کی ہے۔ نائب وزیراعظم نے ہفتے کے روز سیف گیمز کی تیاریوں کے حوالے سے اسٹیئرنگ کمیٹی کے اجلاس کی صدارت کرتے ہوئے ہدایت کی کہ پیش رفت کا جائزہ لینے اور تیاریوں کو مقررہ شیڈول کے مطابق مکمل کرنے کے لیے کمیٹی کا اجلاس ہر ماہ منعقد کیا جائے۔ اجلاس میں وزیراعظم کے مشیر برائے بین الصوبائی رابطہ ، وزیراعظم کے معاون خصوصی طارق باجوہ، سیکریٹری بین الصوبائی رابطہ، صوبائی حکومتوں کے نمائندوں سمیت وفاقی اور صوبائی محکموں کے سینئر حکام نے شرکت کی۔ اجلاس کو بتایا گیا کہ جنوبی ایشین اولمپک کمیٹی کے ساتھ مشاورت کے بعد سیف گیمز کے انعقاد کی تاریخیں 4 س...