Tag: daily pakistan times.com

باکو، 17 اکتوبر 2026 (غفران): آذربائیجان کے دارالحکومت باکو میں ایشیائی ممالک کی تنظیم کانفرنس آن انٹرایکشن اینڈ کانفیڈنس بلڈنگ میئرز ان ایشیا (سیکا) کے سربراہی اجلاس کے دوران اسرائیلی صدر آئزک ہرزوگ کے خطاب پر 10 ممالک کے مندوبین نے احتجاجاً واک آؤٹ کیا۔ بین الاقوامی میڈیا رپورٹس کے مطابق فلسطین انفارمیشن سینٹر نے بتایا کہ اسرائیلی صدر کا خطاب شروع ہوتے ہی مختلف ممالک کے نمائندوں نے اجلاس کے ہال سے باہر نکل کر احتجاج ریکارڈ کرایا۔ یہ اقدام غزہ میں جاری جنگ کے تناظر میں اسرائیلی عہدیدار کی شرکت پر شدید سیاسی مخالفت اور ناراضی کا اظہار تھا۔ ترک وزیر خارجہ حاقان فیدان اور ان کا وفد بھی خطاب شروع ہوتے ہی اپنی نشستوں سے اٹھ کر ہال سے باہر چلا گیا، جبکہ دیگر ممالک کے نمائندوں نے بھی احتجاجاً اجلاس کا بائیکاٹ کیا۔ آذربائیجان سیکا کے موجودہ چیئرمین کی حیثیت سے سربراہی اجلاس کی میزبانی کر رہا ہے۔ ...

پشاور، 17 اکتوبر 2026 (کامران راجہ): پشاور کے علاقے حسن خیل میں پولیس نے فتنہ الخوارج کے دہشت گردوں کا سپین میلہ پولیس چوکی پر حملہ ناکام بنا دیا، تاہم فائرنگ کے تبادلے میں ایک پولیس کانسٹیبل شہید ہوگیا، جبکہ جوابی کارروائی میں متعدد دہشت گردوں کے زخمی ہونے کی اطلاعات ہیں۔ دوسری جانب پشاور کے گنجان آباد علاقے یکہ توت میں پولیس اور بم ڈسپوزل اسکواڈ (بی ڈی ایس) نے بروقت کارروائی کرتے ہوئے بڑے سانحے کو ٹال دیا اور 11 کلوگرام وزنی پریشر ککر بم ناکارہ بنا دیا۔ اطلاعات کے مطابق یکہ توت کے علاقے حافظ آباد میں واقع ایک بند مکان کو پانچ سے چھ ماہ قبل ایک افغان خاندان نے کرائے پر لیا تھا۔ تعمیراتی کام کے لیے مکان کھولنے پر مشکوک پریشر ککر بم ملا، جس کی اطلاع ملتے ہی پولیس اور بی ڈی ایس کی ٹیم موقع پر پہنچ گئی اور کامیابی سے بم ناکارہ بنا دیا۔ دریں اثنا، محکمہ انسدادِ دہشت گردی (سی ٹی ڈی) لکی مروت او...

لاہور، 17 اکتوبر 2026 (کامران راجہ): محکمہ انسدادِ دہشت گردی (سی ٹی ڈی) نے پنجاب بھر میں 91 انٹیلی جنس بیسڈ کارروائیوں کے دوران 8 مشتبہ دہشت گردوں کو گرفتار کر لیا، جبکہ ان کے قبضے سے دھماکا خیز مواد، دستی بم، ڈیٹونیٹرز اور فیوز وائر برآمد کی گئی ہے۔ سی ٹی ڈی کے ترجمان کے مطابق برآمد ہونے والے سامان میں دھماکا خیز مواد، دو دستی بم، تین ڈیٹونیٹرز اور 20 فٹ فیوز وائر شامل ہیں۔ ترجمان نے گرفتار ملزمان کی شناخت شہزاد، محمود، نعمان، عدنان اور فاروق کے ناموں سے کی، جبکہ ان کے خلاف سات مقدمات درج کیے گئے ہیں۔ دوسری جانب سی ٹی ڈی نے رواں ہفتے پنجاب بھر میں 1,484 کومبنگ آپریشنز بھی کیے، جن کے دوران مزید 77 مشتبہ افراد کو گرفتار کیا گیا۔ ترجمان کے مطابق ان کارروائیوں کے دوران مجموعی طور پر 50,865 افراد کی جانچ پڑتال کی گئی۔ سی ٹی ڈی کا کہنا ہے کہ صوبے میں دہشت گردی کی روک تھام اور عوام کے جان و مال ...

اسلام آباد، 17 اکتوبر 2026 (کامران راجہ): مولانا فضل الرحمان کے شہداء سے متعلق توہین آمیز اور نامناسب بیان پر ڈائریکٹر جنرل انٹر سروسز پبلک ریلیشنز (ڈی جی آئی ایس پی آر) نے سخت ردعمل دیتے ہوئے کہا ہے کہ شہادت کا فلسفہ اور شہداء کی قربانیاں پاکستان کی مسلح افواج کے لیے ریڑھ کی ہڈی کی حیثیت رکھتی ہیں۔ انہوں نے کہا کہ پاکستان کی مسلح افواج اور کارگل کے شہداء کے بارے میں توہین آمیز گفتگو کرکے بھارت کے بیانیے کو فروغ دیا جا رہا ہے، جو سمجھ سے بالاتر ہے۔ شہداء کی قوم کے لیے لازوال قربانیوں کا ذکر کرتے ہوئے ڈی جی آئی ایس پی آر نے کہا کہ پاکستانی فوجی وطن کے دفاع کے لیے اپنی قیمتی جانیں قربان کرنے سے دریغ نہیں کرتے۔ انہوں نے سوال اٹھایا کہ اگر کوئی یہ کہتا ہے کہ فوجی صرف تنخواہ کے لیے اپنی جان قربان کرتے ہیں تو کیا ایسے دعوے کرنے والے خود بھی اس قربانی کے لیے تیار ہیں؟ ان کا کہنا تھا کہ اس نوعیت ک...

اسلام آباد، 17 اکتوبر 2026 (نوشین): اسلامی تعاون تنظیم (او آئی سی) کے وزرائے خارجہ کی کونسل کا 52واں اجلاس عراق کے دارالحکومت بغداد میں شروع ہو گیا ہے، جس کا افتتاح عراقی وزیراعظم علی فالح الزیدی نے کیا۔ افتتاحی تقریب سے خطاب کرتے ہوئے عراقی وزیراعظم نے علاقائی کشیدگی کم کرنے کے لیے پاکستان کی کوششوں کو سراہا اور کہا کہ اسلامی دنیا کو اس وقت بڑھتے ہوئے چیلنجز کا سامنا ہے۔ انہوں نے زور دیا کہ مسلم ممالک علاقائی اور عالمی بحرانوں سے نمٹنے کے لیے مشترکہ کوششیں تیز کریں۔ ان کا کہنا تھا کہ خطے میں امن و استحکام کے قیام کے لیے انصاف کی فراہمی اور فلسطینی عوام کے حقوق کی تکمیل ناگزیر ہے۔ او آئی سی وزرائے خارجہ کے اجلاس میں علاقائی امن و سلامتی، بڑھتی ہوئی کشیدگی اور مسلم ممالک کو درپیش چیلنجز پر تبادلہ خیال متوقع ہے۔ سرکاری ذرائع کے مطابق پاکستان کے نائب وزیراعظم اور وزیر خارجہ سینیٹر محمد اسحاق ...