پاکستان ٹائمز

اسلام آباد 14 جولائی 2025 (کامران راجہ) : اقوامِ متحدہ کی خوراک و زراعت کی تنظیم (ایف اے او) نے بلوچستان اور سندھ کے ان علاقوں میں ایک ہنگامی منصوبہ مکمل کر لیا ہے جو 2022 کے تباہ کن سیلابوں سے متاثر ہوئے تھے۔ یہ منصوبہ جاپان کی حکومت کی فراخدلانہ مالی معاونت سے ممکن ہوا۔ ایف اے او کی قیادت میں کیے گئے اس اقدام کے لیے جاپان نے 6.48 ملین امریکی ڈالر فراہم کیے، جس کا مقصد خوراک کی پیداوار کی بحالی، گھریلو غذائیت میں بہتری، اور طویل المدتی لچک پیدا کرنا تھا۔ اس منصوبے سے 74,000 سے زائد گھرانے، یعنی تقریباً 5 لاکھ 20 ہزار افراد مستفید ہوئے۔ منصوبے میں زراعت کی بحالی کے ساتھ ساتھ مویشیوں کی حفاظت اور خواتین سربراہانِ خانہ کو خصوصی امداد شامل تھی۔ منصوبے کی تکمیل کے موقع پر ایف اے او کے پاکستان میں دفتر میں ایک تقریب منعقد ہوئی، جس میں منصوبے کے نتائج کو اجاگر کیا گیا اور جاپان کی امداد پر شکریہ...

بتاریخ 10 جولائی 2025(کامران راجہ): شہری ہوابازی کے برطانوی محکمے محکمہ ٹرانسپورٹیشن کے تین رکنی ٹیم تین روزہ ( 8 جولائی تا 10 جولائی) ایوی ایشن سکیورٹی انسپکشن کے لیے مورخہ 8 جولائی کو اسلام آباد ائیرپورٹ پہنچی ۔ اس انسپکشن کا مقصد اسلام آباد ائیرپورٹ پر ایوی ایشن سیکورٹی کو بین الاقوامی معیار پر پرکھنا اور جانچنا تھا۔ ائیرپورٹس سیکورٹی فورس جو کہ پاکستان میں شہری ہوا بازی اور ہوائی اڈوں کی حفاظت کی ذمہ دار فیڈرل فورس ہے نے ایوی ایشن سیکورٹی انسپکشن کے سلسلے میں تمام عملی اقدامات کو یقینی بنایا۔ ٹیم مورخہ 8 جولائی کو اسلام آباد ائیرپورٹ پہنچی۔ افتتاحی اجلاس میں چیف سیکورٹی افسر اور ایئرپورٹ کے تمام متعلقہ اسٹیک ہولڈرز نے شرکت کی۔ بعد ازاں ایوی ایشن سیکورٹی انسپکشن ٹیم نے ائیرپورٹ کے سیکورٹی انتطامات کا عملی جائزہ لینے کے لیے اسلام آباد انٹرنیشنل ائیرپورٹ کا دورہ کیا۔ انسپکشن ٹیم نے ائ...

اسلام آباد(کامران راجہ) 8 جولائی  2025: پاکستان ٹیلی کمیونیکیشن اتھارٹی (پی ٹی اے) اور میٹا نے مشترکہ طور پر ’’ڈیجیٹل دور میں انسداد دہشت گردی‘‘ کے عنوان سے ایک اعلیٰ سطحی ورکشاپ کا انعقاد پی ٹی اے ہیڈکوارٹرز میں کیا۔ ورکشاپ میں فیس بک، انسٹاگرام اور واٹس ایپ کے ماہرین کے ساتھ ساتھ اہم سرکاری اداروں اور قانون نافذ کرنے والے اداروں کے نمائندگان نے شرکت کی۔ ورکشاپ میں میٹا کی جانب سے دہشت گردی سے متعلق مواد کے تدارک پر مبنی پالیسیوں، اور ڈیجیٹل پلیٹ فارمز، قانون نافذ کرنے والے اداروں اور ریگولیٹرز کے مابین تعاون کے فروغ پر تبادلہ خیال کیا گیا۔ اس دوران شکایات کے ازالے اور مواد کے فوری جائزے سے متعلق طریقہ کار پر بھی گفت و شنید کی گئی۔ ورکشاپ کے اختتام پر سوال و جواب کا خصوصی سیشن رکھا گیا، جس میں شرکاء کو میٹا کے پالیسی ماہرین سے براہِ راست بات چیت کا موقع میسر آیا۔ چیئرمین پی ٹی اے، میجر ...

بیجنگ ،29 جون 2025 (نوشین راجہ): چین میں پاکستان کےسفیر خلیل ہاشمی نے 28 جون 2025 کو سنکیانگ پیپلز گورنمنٹ کے وائس چیئرمین مسٹر ژو لیفن کے ساتھ اورمچی میں چائنا یوریشیا ایکسپو میں پاکستان پویلین کا افتتاح کیا۔ پھل کی مقبولیت نے پاکستان کی زرعی بہتری اور ترقی کے امکانات کو اجاگر کیا۔ ایک اور خاص بات نیشنل لاجسٹک کارپوریشن اور گرین پاکستان انیشیٹو کی جانب سے پہلی بار ایکسپو میں شرکت تھی۔ پاکستان پویلین نے ملک کے ثقافتی ورثے اور مینوفیکچرنگ کی صلاحیتوں کی عکاسی بھی کی اور زیورات، چمڑے کے ملبوسات، لگژری بیگز، اور عصری ملبوسات سمیت متعدد مصنوعات کی نمائش بھی کی گئی۔ اس موقع پر خطاب کرتے ہوئے سفیر خلیل ہاشمی نے مسٹر ژو کو پاکستان اور چین کے مضبوط تعلقات اور سنکیانگ سمیت چین کے ساتھ تجارتی اور سرمایہ کاری کے تعلقات کو بڑھانے پر پاکستان کی توجہ کے بارے میں بتایا۔ انہوں نے وائس چیئرمین کو پاکستا...

مورخہ 29 جون، 2025 راولپنڈی(غفران مجید) : وزیر اعلی پنجاب محترمہ مریم نواز کے ویژن پر سٹی ٹریفک پولیس راولپنڈی کی جانب سے عوامی جگہوں پر گداگری کے خاتمے اور شہریوں کو صاف ستھرا ماحول فراہم کرنے کے لیے اینٹی بیگرز اسکوارڈ کا قیام ۔تفصیلات کے مطابق راولپنڈی شہر کی مین شاہراہوں مال روڈ ، اولڈ ائیر پورٹ روڈ اور مری روڈ کے تمام چوراہوں پر اکثر بھکاری بھیک مانگتے نظر آتے تھے جنکی وجہ سے نہ صرف ٹریفک کی روانی متاثر ہوتی تھی بلکہ موجودہ ملکی صورتحال کے پیش نظر یہ ایک سیکیورٹی رسک بھی تھا، چیف ٹریفک آفیسر راولپنڈی بینش فاطمہ کی خصوصی ہدایات پر اینٹی بیگر اسکواڈ کا قیام عمل میں لایا گیا اور اس اسکوارڈ نے شہر بھر میں گداگری جیسی لعنت کے خلاف بھرپور کاروائیوں کا آغاز کر دیا ہے ، مختلف مقامات پر گداگری کے خلاف کامیاب کارروائیاں کرتے ہوئے اب تک 16 افراد کے خلاف مقدمات کا اندراج بھی کر لیا گیا ہے جن...