پاکستان ٹائمز

تہران، 25 اگست 2026 (نوشین): ایران نے امریکا کی جانب سے عائد کی جانے والی نئی معاشی پابندیوں کے خلاف جوابی کارروائی کا اعلان کرتے ہوئے خبردار کیا ہے کہ مزید اقتصادی دباؤ کی صورت میں فوجی ردعمل اور خلیج سے تیل کی برآمدات میں مزید کمی بھی کی جا سکتی ہے۔ امریکی وزیر خزانہ اسکاٹ بیسنٹ نے پیر کے روز نئی پابندیوں کا اعلان کیا۔ ان کا کہنا تھا کہ ان اقدامات کا مقصد ایران کی معاشی آمدن کے اہم ذرائع کو محدود کرنا ہے۔ تاہم انہوں نے انتہائی سخت پابندیاں عائد کرنے سے گریز کرتے ہوئے خبردار کیا کہ ایران کے ساتھ تجارت جاری رکھنے والے ممالک کو امریکی ڈالر پر مبنی مالیاتی نظام سے باہر کیے جانے کا خطرہ ہوسکتا ہے۔ امریکی محکمہ خزانہ نے ایران سے متعلق 60 افراد، اداروں اور بحری جہازوں پر بھی پابندیاں عائد کی ہیں۔ تاہم ایران کی تیل تجارت میں مبینہ معاونت کرنے والے چینی مالیاتی اداروں کو نئی فہرست میں شامل نہیں ک...

لاہور، 25 اگست 2026 (غفران): پاکستان بھر میں نبی کریم حضرت محمد ﷺ کی ولادت باسعادت کی خوشی میں عید میلاد النبی ﷺ کی تیاریاں زور و شور سے جاری ہیں۔ ملک بھر کی سڑکوں، بازاروں، مساجد اور سرکاری و نجی عمارتوں کو سبز جھنڈیوں، رنگ برنگی روشنیوں اور برقی قمقموں سے سجایا گیا ہے۔ عید میلاد النبی ﷺ 12 ربیع الاول کو کل (بدھ) ملک بھر میں مذہبی عقیدت و احترام کے ساتھ منائی جائے گی، جبکہ حکومت نے اس موقع پر عام تعطیل کا اعلان کیا ہے۔ ملک کے مختلف شہروں میں نبی کریم ﷺ کی سیرت، تعلیمات اور حیات مبارکہ کے موضوع پر سیمینارز، کانفرنسز اور محافل نعت کا انعقاد کیا جائے گا، جبکہ مختلف مقامات پر مذہبی جلوس اور ریلیاں بھی نکالی جائیں گی۔ آج رات ملک بھر کی مساجد میں خصوصی محافل میلاد، درود و سلام کا اہتمام کیا جائے گا، جہاں علما کرام حضور اکرم ﷺ کی حیات طیبہ، کردار اور تعلیمات پر روشنی ڈالیں گے۔نبی کریم ﷺ کی آمد ک...

اسلام آباد، 25 اگست 2026 (کامران راجہ): وزیراعظم محمد شہباز شریف نے موڈیز کی جانب سے پاکستان کی خودمختار کریڈٹ ریٹنگ سی اے اے 1 سے بڑھا کر بی 3 کرنے پر قوم کو مبارکباد دی ہے۔ ایک بیان میں وزیراعظم نے پاکستان کی کریڈٹ ریٹنگ میں بہتری کا خیرمقدم کرتے ہوئے حکومت کی اقتصادی ٹیم کی کوششوں کو سراہا۔ انہوں نے نائب وزیراعظم و وزیر خارجہ سینیٹر محمد اسحاق ڈار، چیف آف آرمی اسٹاف و چیف آف ڈیفنس فورسز فیلڈ مارشل سید عاصم منیر، وزیر خزانہ محمد اورنگزیب اور تمام متعلقہ وزراء و حکام کی کاوشوں کو خصوصی طور پر سراہا۔وزیراعظم شہباز شریف نے کہا کہ پاکستان کی کریڈٹ ریٹنگ میں بہتری حکومت کی اقتصادی پالیسیوں اور اصلاحات پر عالمی اعتماد میں اضافے کی عکاسی کرتی ہے۔انہوں نے بین الاقوامی مالیاتی اداروں اور ریٹنگ ایجنسیوں کی جانب سے پاکستان کی معاشی صورتحال میں بہتری کے اعتراف کو خوش آئند قرار دیتے ہوئے کہا کہ ملکی ...

اسلام آباد، 25 اگست 2026 (نوشین): وزیر داخلہ محسن نقوی نے منگل کو اسلام آباد کے ڈپلومیٹک انکلیو کا دورہ کیا اور جاری ترقیاتی کاموں اور اہم انفراسٹرکچر منصوبوں پر پیش رفت کا جائزہ لیا۔ دورے کے دوران وزیر داخلہ نے تعمیراتی سرگرمیوں کا معائنہ کیا اور حکام کو کام کی رفتار مزید تیز کرنے کی ہدایت کی، جبکہ ماحولیاتی تحفظ اور رہائشیوں کو بہتر سہولیات کی فراہمی یقینی بنانے پر بھی زور دیا۔ محسن نقوی نے ڈپلومیٹک انکلیو کی چار دیواری، سیکیورٹی چیک پوسٹس کی ازسرنو تعمیر و بہتری، سائیکلنگ ٹریک اور واکنگ ٹریک کی تعمیر پر پیش رفت کا جائزہ لیا۔ انہوں نے ہدایت کی کہ چار دیواری پر کام بلا تعطل جاری رکھا جائے اور ترقیاتی منصوبوں کے دوران کسی درخت کو نہ کاٹا جائے۔ وزیر داخلہ نے حکام کو جدید منصوبہ بندی کے معیار کے مطابق سائیکلنگ اور واکنگ ٹریکس تیار کرنے کی ہدایت کی تاکہ ڈپلومیٹک انکلیو میں بہتر تفریحی سہولیات...

اسلام آباد، 25 اگست 2026 (کامران راجہ): پاکستان اور ایران کے درمیان مذاکرات میں اہم پیش رفت ہوئی ہے، مذاکرات میں ایران اسرائیل جنگ، خطے میں کشیدگی اور امن کے راستے پر توجہ مرکوز کی گئی۔ وزیر داخلہ محسن نقوی نے منگل کو سوشل میڈیا پر جاری بیان میں اس پیش رفت کی تصدیق کی۔ محسن نقوی کے مطابق چیف آف آرمی اسٹاف و چیف آف ڈیفنس فورسز فیلڈ مارشل سید عاصم منیر اور انہوں نے ایرانی صدر مسعود پزشکیان سے انتہائی مثبت اور نتیجہ خیز ملاقات کی۔ انہوں نے بتایا کہ ملاقات میں ایران اور امریکا کے درمیان تنازع، مشرق وسطیٰ میں کشیدگی، آئندہ کے لائحہ عمل اور اسلام آباد مفاہمتی یادداشت  کی بحالی کے لیے درکار اقدامات پر تفصیلی گفتگو ہوئی، جس سے تنازع کے جامع حل کی راہ ہموار ہوسکتی ہے۔ وزیر داخلہ نے کہا کہ ایرانی صدر نے اپنی حکومت کے مؤقف اور تحفظات کھل کر بیان کیے، جس کے بعد زیر بحث امور پر دونوں جانب سے تعمیری تبا...

اسلام آباد، 25 اگست 2026 (نوشین): نائب وزیراعظم و وزیر خارجہ سینیٹر محمد اسحاق ڈار نے منگل کو ترک وزیر خارجہ حاقان فیدان سے ٹیلی فون پر گفتگو کی۔ ملاقات کے دوران دونوں وزرائے خارجہ نے پاکستان اور ترکیہ کے دوطرفہ تعلقات، علاقائی صورتحال اور باہمی دلچسپی کے دیگر امور پر تبادلہ خیال کیا۔ دونوں رہنماؤں نے ریجنل فور کے وزرائے خارجہ کے آئندہ اجلاس اور دیگر متوقع کثیرالجہتی سرگرمیوں پر بھی گفتگو کی۔ اس موقع پر دونوں وزرائے خارجہ نے باہمی دلچسپی کے امور پر قریبی رابطہ اور مشاورت جاری رکھنے پر اتفاق کیا۔...

اسلام آباد، 25 اگست 2026 (غفران): حکومت نے دفتر خارجہ کے ترجمان کی تبدیلی کا فیصلہ کر لیا ہے۔ ذرائع کے مطابق سجاد حیدر خان کو نیا ترجمان دفتر خارجہ مقرر کرنے کا فیصلہ کیا گیا ہے۔ سجاد حیدر خان اس وقت ڈائریکٹر جنرل ساؤتھ ایشیا کے فرائض انجام دے رہے ہیں۔ ذرائع کا کہنا ہے کہ موجودہ ترجمان دفتر خارجہ طاہر حسین اندرابی کو اقوام متحدہ میں پاکستان کا مستقل مندوب مقرر کیے جانے کا امکان ہے۔ذرائع کے مطابق سجاد حیدر خان کی بطور ترجمان دفتر خارجہ تقرری کا باقاعدہ نوٹیفکیشن جلد جاری کیے جانے کی توقع ہے۔...

لاہور، 25 اگست 2026 (کامران راجہ): وزیراعلیٰ پنجاب مریم نواز شریف چار روزہ سرکاری دورے پر منگل کو چین روانہ ہوگئیں۔ دورے کا مقصد پنجاب اور چین کے صوبے سنکیانگ کے درمیان مختلف شعبوں میں تعاون کو مزید مضبوط بنانا ہے۔ چینی قونصل جنرل سن یانگ نے وزیراعلیٰ پنجاب کو ہوائی اڈے سے روانگی کے موقع پر الوداع کیا۔ مریم نواز کی ارومچی انٹرنیشنل ایئرپورٹ آمد پر اعلیٰ چینی حکام ان کا استقبال کریں گے۔ اس کے بعد وزیراعلیٰ پنجاب سنکیانگ اسٹیٹ گیسٹ ہاؤس کے کانفرنس سینٹر کے کنلن ہال میں اپنی سرکاری مصروفیات کا آغاز کریں گی۔ دورے کے دوران مریم نواز سنکیانگ کے پارٹی سیکریٹری چن شیاؤ جیانگ کی سربراہی میں اعلیٰ سطحی وفد سے ملاقات کریں گی۔ وہ سنکیانگ اویغور خودمختار خطے کی کمیٹی کے ڈپٹی پارٹی سیکریٹری ہی ژونگ یو سے بھی ملاقات کریں گی جبکہ سنکیانگ پروڈکشن اینڈ کنسٹرکشن کور  کے وفد سے بھی ملاقات متوقع ہے۔ سنکیانگ کے...

جوبا، 24 اگست 2026 (کامران راجہ): جنوبی سوڈان کی ریاست جونگلی میں گھات لگا کر کیے گئے حملے میں ایتھوپیا سے تعلق رکھنے والے اقوام متحدہ کے 2 امن اہلکار جاں بحق جبکہ 7 دیگر افراد زخمی ہوگئے، اقوام متحدہ نے تصدیق کردی۔ اقوام متحدہ کے ترجمان اسٹیفن دوجارک نے میڈیا بریفنگ میں بتایا کہ زخمی ہونے والوں میں اقوام متحدہ کے 3 امن اہلکار، جنوبی سوڈان کے 2 پولیس افسران اور اقوام متحدہ کے 2 سویلین عملے کے ارکان شامل ہیں۔ انہوں نے کہا کہ تازہ واقعے کے بعد رواں سال یکم جنوری سے اب تک دورانِ ڈیوٹی پرتشدد کارروائیوں میں جاں بحق ہونے والے اقوام متحدہ کے امن اہلکاروں کی تعداد 9 ہوگئی ہے۔ اسٹیفن دوجارک نے بتایا کہ اقوام متحدہ نے حملے کی مکمل اور فوری تحقیقات کا مطالبہ کیا ہے تاکہ ذمہ دار افراد کی نشاندہی کرکے انہیں انصاف کے کٹہرے میں لایا جاسکے۔ اقوام متحدہ کے ترجمان نے خبردار کیا کہ اقوام متحدہ کے امن اہلکار...

قاہرہ، 24 اگست 2026 (ویب ڈیسک): غزہ کی پٹی میں اسرائیلی فضائی حملوں اور فائرنگ کے نتیجے میں دو کمسن بچوں سمیت کم از کم 4 فلسطینی جاں بحق ہوگئے، فلسطینی طبی حکام نے تصدیق کی ہے۔ طبی عملے اور اہل خانہ کے مطابق جنوبی غزہ کے شہر خان یونس میں 10 سالہ امل ابو خاطر اپنے خاندان کے خیمے میں کھانا کھا رہی تھی کہ اسے کمر میں گولی لگی، جس کے نتیجے میں وہ جاں بحق ہوگئی۔ طبی عملے اور لواحقین کا کہنا ہے کہ فائرنگ مشرقی سمت میں موجود اسرائیلی فورسز کی جانب سے کی گئی۔ فلسطینی طبی حکام کے مطابق غزہ میں جاری اسرائیلی فوجی کارروائیوں کے دوران یہ تازہ ہلاکتیں ہیں، جبکہ علاقے میں شہریوں کی ہلاکتوں کا سلسلہ بدستور جاری ہے۔غزہ میں جاری تشدد کے باعث شہریوں کو شدید انسانی بحران کا سامنا ہے، جبکہ مسلسل حملوں کے نتیجے میں ہلاکتوں کی تعداد میں اضافہ ہو رہا ہے۔...