Latest

اسلام آباد، 15 ستمبر 2026 (کامران راجہ): وزیراعظم محمد شہباز شریف نے یومِ جمہوریت کے موقع پر مساوات، انصاف، آزادی اور قانون کی حکمرانی سمیت جمہوریت کی بنیادی اقدار کے تحفظ کے لیے پاکستان کے عزم کا اعادہ کیا ہے۔ اپنے پیغام میں وزیراعظم نے کہا کہ یہ دن عوام کی مرضی کے احترام، انسانی وقار کے تحفظ اور جمہوری اداروں کے استحکام کے عزم کی تجدید کا موقع فراہم کرتا ہے۔ انہوں نے کہا کہ جمہوری نظام میں عوام کی فلاح و بہبود کے لیے اختیار منتخب نمائندوں کے ذریعے استعمال کیا جاتا ہے، جبکہ پارلیمنٹ ملک کا مرکزی جمہوری ادارہ ہونے کے ناطے عوام کی آواز اور امنگوں کی عکاس ہے۔ شہباز شریف نے کہا کہ آئینِ پاکستان ریاست اور شہریوں کے درمیان تعلقات کے لیے قانونی فریم ورک فراہم کرتا ہے، جبکہ آئین کا آرٹیکل 25 تمام شہریوں کے مساوی حقوق اور قانون کے سامنے برابری کی ضمانت دیتا ہے۔ انہوں نے کہا کہ پاکستان کے وفاقی پار...

اسلام آباد، 15 ستمبر 2026 (نوشین): سینیٹ کی قائمہ کمیٹی برائے نیشنل ہیلتھ سروسز نے پاکستان انسٹی ٹیوٹ آف میڈیکل سائنسز (پی آئی ایم ایس) میں بچوں کی المناک اموات کے ذمہ دار قرار دیے جانے والے افراد کے خلاف سخت کارروائی کا مطالبہ کرتے ہوئے متعلقہ حکام کو ایسے واقعات کی روک تھام کے لیے مؤثر اقدامات کی ہدایت کی ہے۔ سینیٹر امیر ولی الدین چشتی کی زیر صدارت اجلاس میں کمیٹی کو پی آئی ایم ایس سانحہ کی تحقیقاتی رپورٹ اور واقعے کے بعد متعلقہ حکام کی جانب سے کیے گئے اقدامات پر بریفنگ دی گئی۔ کمیٹی ارکان نے زور دیا کہ ذمہ دار افراد کے خلاف قانون کے مطابق کارروائی کی جائے اور احتساب کو صرف محکمانہ کارروائی تک محدود نہ رکھا جائے۔ کمیٹی نے متعلقہ حکام کو ہدایت کی کہ تحقیقاتی رپورٹ کی سفارشات پر مکمل عملدرآمد یقینی بنایا جائے اور رپورٹ میں سامنے آنے والی ادارہ جاتی خامیوں کو ترجیحی بنیادوں پر دور کیا جائے۔...

کراچی، 14 ستمبر 2026 (نیوز ڈیسک): پاکستان آئیڈل 2026 کی ونر حرا قیصر پہلی بار کراچی میں آرٹس کونسل کے تین روزہ میوزک فیسٹیول میں اپنی آواز کا جادو جگائیں گی۔ فیسٹیول میں پاکستان آئیڈل کے اسٹارز پہلی بار ایک بڑے لائیو کنسرٹ میں پرفارم کریں گے، جبکہ حمیرا چنا، غلام عباس سمیت معروف اور نئی آوازیں تین روز تک شائقین موسیقی کو محظوظ کریں گی۔ آرٹس کونسل کے صدر محمد احمد شاہ نے بتایا کہ پاکستان آئیڈل کے ذریعے کئی بہترین آوازیں سامنے آئی ہیں اور فیصل آباد، لاہور، ملتان اور کراچی سے پاکستان آئیڈل کے ستاروں کو فیسٹیول میں شرکت کی دعوت دی گئی ہے۔ انہوں نے کہا کہ پاکستان آئیڈل 2026 کی ونر حرا قیصر بھی فیسٹیول میں پرفارم کریں گی اور اپنی آواز سے شائقین کو مسحور کریں گی۔...

ممبئی، 14 ستمبر 2026 (نوشین): بالی ووڈ سپر اسٹار سلمان خان کے دیرینہ باڈی گارڈ گرمیت سنگھ جولی، جو شیرا کے نام سے مشہور ہیں، کے بیٹے ابیر سنگھ جلد ہندی فلم انڈسٹری میں قدم رکھنے والے ہیں۔ بھارتی میڈیا رپورٹس کے مطابق ابیر سنگھ کے بالی ووڈ ڈیبیو سے متعلق کئی برسوں سے خبریں زیر گردش تھیں۔ فلم فیئر کی ایک رپورٹ میں بتایا گیا ہے کہ ابیر سنگھ فلم ’ٹارزن‘ سے اداکاری کی دنیا میں قدم رکھیں گے، جس میں اداکار سورج پنچولی بھی شامل ہوں گے۔ تاہم اس فلم کے بارے میں فی الحال تفصیلات محدود ہیں اور یہ بھی واضح نہیں کیا گیا کہ سلمان خان اس فلم کو پروڈیوس کریں گے یا کسی اور حیثیت سے اس منصوبے کا حصہ ہوں گے۔...