Tag: daily pakistan times.com

اسلام آباد، 11 اکتوبر 2026 (نوشین): ایوانِ صدر کی جانب سے اتوار کو جاری کردہ اعلامیے کے مطابق صدر مملکت آصف علی زرداری نے آئین کے آرٹیکل 232(1) اور 234(1) کے تحت خیبر پختونخوا میں ایمرجنسی اور گورنر راج کے نفاذ کی منظوری دے دی ہے۔ پاکستان کی سیاسی تاریخ سے ظاہر ہوتا ہے کہ ملک کے چاروں صوبوں میں مختلف ادوار کے دوران گورنر راج یا ایمرجنسی کے اقدامات کیے گئے، بعض مواقع پر صوبائی اور وفاقی حکومتوں کے درمیان کشیدگی کے باعث جبکہ بعض اوقات امن و امان کی بگڑتی ہوئی صورتحال کے پیش نظر ایسے اقدامات کیے گئے۔ تاریخی طور پر خیبر پختونخوا، پنجاب اور سندھ میں تین، تین مرتبہ جبکہ بلوچستان میں چار مرتبہ گورنر راج نافذ کیا گیا، جبکہ مشرقی پاکستان میں بھی دو مرتبہ گورنر راج نافذ ہوا۔ ملک کی سیاسی تاریخ کے مختلف ادوار میں ایمرجنسی کے اقدامات بھی کیے جاتے رہے ہیں۔ گورنر راج کے تحت آئینی دفعات کے مطابق محدود مد...

اسلام آباد، 11 اکتوبر 2026 (غفران): صدر مملکت آصف علی زرداری سے گورنر خیبر پختونخوا فیصل کریم کنڈی نے ایوانِ صدر میں ملاقات کی، جس کے دوران انہیں صوبے کی مجموعی سکیورٹی صورتحال اور امن و امان کی بگڑتی ہوئی صورتحال پر بریفنگ دی گئی۔ ملاقات میں وفاقی وزیر داخلہ محسن نقوی بھی شریک تھے۔ شرکاء نے خیبر پختونخوا کی موجودہ سکیورٹی صورتحال پر تبادلہ خیال کیا اور صوبے کے حالات سے متعلق آئینی اور قانونی امور پر مشاورت کی۔ ملاقات کے بعد صحافیوں سے غیر رسمی گفتگو کرتے ہوئے وزیر داخلہ محسن نقوی نے کہا کہ صوبے میں ایمرجنسی کے نفاذ سے بچنے کی اب کوئی گنجائش باقی نہیں رہی، تاہم اس مرحلے تک پہنچنے سے بچنے کے لیے ہر ممکن کوشش کی گئی۔ محسن نقوی نے صورتحال سے نمٹنے کے لیے اپنی کوششوں کا ذکر کرتے ہوئے کہا کہ مولانا فضل الرحمان اور بیرسٹر گوہر سے ان اقدامات کے بارے میں پوچھا جا سکتا ہے جو انہوں نے اس صورتحال سے ...

اسلام آباد، 11 اکتوبر 2026 (کامران راجہ): پاکستان کی سکیورٹی فورسز نے 10 اکتوبر کو ضلع کرم میں پاکستان اور افغانستان کی سرحد پر دراندازی کی کوشش ناکام بناتے ہوئے 12 خوارج اور افغان طالبان اہلکاروں کو ہلاک کر دیا، جبکہ فائرنگ کے شدید تبادلے میں پاک فوج کے نائب صوبیدار ہدایت امان نے جامِ شہادت نوش کیا۔ سکیورٹی بیان کے مطابق، فورسز نے افغانستان سے پاکستان میں داخل ہونے کی کوشش کرنے والے خوارج کے ایک گروہ کی نقل و حرکت کا بروقت سراغ لگایا اور دراندازی کی کوشش ناکام بنا دی۔ بیان میں کہا گیا کہ دراندازوں کی مدد کے لیے افغان طالبان کی سرحدی چوکیوں سے فائرنگ کی گئی، جس کا پاکستانی فوجی جوانوں نے بھرپور اور مؤثر جواب دیا۔ کارروائی کے دوران 12 خوارج اور افغان طالبان اہلکار ہلاک ہوئے۔ شہید نائب صوبیدار ہدایت امان کی عمر 40 سال تھی اور ان کا تعلق ضلع غذر سے تھا۔ بیان کے مطابق، یہ واقعہ پاکستان کے اس م...

بیجنگ، 10 اکتوبر 2026 (نوشین): چین اور پاکستان اکتوبر کے وسط سے آخر تک چین کے سنکیانگ ایغور خودمختار علاقے کے شہر کورلا میں مشترکہ فوجی مشقیں ’’قراقرم 2026‘‘ منعقد کریں گے۔ چینی وزارتِ قومی دفاع کے ترجمان کرنل چن شی کے مطابق ان مشقوں کا بنیادی مقصد بلند پہاڑی علاقوں میں مشترکہ انسدادِ دہشت گردی کارروائیوں کی تربیت حاصل کرنا ہے۔ مشقوں میں ڈرون آپریشنز، تلاش اور ہدف پر فائرنگ، طویل فاصلے سے نشانہ بازی، مشترکہ کمانڈ اور مربوط فوجی کارروائیوں کی تربیت شامل ہوگی۔ کرنل چن نے کہا کہ ان مشقوں سے دونوں ممالک کے درمیان فوجی تبادلوں اور تعاون کو فروغ ملے گا اور دہشت گردی کے خطرات سے مشترکہ طور پر نمٹنے کی صلاحیت بہتر ہوگی۔ ان کے مطابق یہ اپنی نوعیت کی چین اور پاکستان کی پہلی مشترکہ بری فوجی مشق ہوگی۔...

اسلام آباد، 10 اکتوبر 2026 (غفران): ایشین ہاکی چیمپئنز ٹرافی 2026 میں پاکستان کی جگہ بنگلہ دیش کی شرکت متوقع ہے، جس نے مبینہ طور پر ایشین ہاکی فیڈریشن کی دعوت قبول کرلی ہے۔ ذرائع کے مطابق پاکستان نے بھارت میں ٹورنامنٹ کھیلنے سے معذرت کی تھی، جس کے بعد بنگلہ دیش کو چھ ملکی ایونٹ میں شامل کرنے کا فیصلہ کیا گیا۔ ٹورنامنٹ 27 اکتوبر سے 5 نومبر تک بھارتی شہروں جالندھر اور موہالی میں کھیلا جائے گا۔ ایشین ہاکی فیڈریشن کی جانب سے بنگلہ دیش کی شرکت کا باضابطہ اعلان اور نظرثانی شدہ شیڈول جاری کیے جانے کا امکان ہے۔ پاکستان ہاکی فیڈریشن نے پاک بھارت موجودہ صورتِ حال کے پیش نظر ٹورنامنٹ کسی غیر جانب دار ملک منتقل کرنے یا پاکستان کے میچز غیر جانب دار مقام پر کرانے کی درخواست کی تھی، تاہم ہاکی انڈیا نے یہ تجویز مسترد کرتے ہوئے ایونٹ مقررہ شیڈول کے مطابق بھارت میں منعقد کرنے پر اصرار کیا۔ اس کے بعد پاکستان...