Tag: daily pakistan times.com

اسلام آباد، 24 ستمبر, 2026 (نوشین): وزیر مملکت برائے قانون و انصاف بیرسٹر عقیل ملک نے مجوزہ خیبر پختونخوا پولیس ایکٹ پر تنقید کرتے ہوئے کہا ہے کہ یہ قانون وفاقی قوانین سے متصادم ہے اور اس میں آئینی و قانونی تحفظات پائے جاتے ہیں۔ اختر ولی خان کے ہمراہ میڈیا سے گفتگو کرتے ہوئے بیرسٹر عقیل ملک نے کہا کہ مجوزہ قانون سیاسی مفادات کو مدنظر رکھتے ہوئے تیار کیا گیا ہے اور اس کا مقصد پولیس فورس کو صوبائی حکومت کے ماتحت لانا ہے۔ انہوں نے کہا کہ پولیس سروس آف پاکستان (پی ایس پی) افسران کی تعیناتی وفاقی حکومت کی ذمہ داری ہے اور اس حوالے سے کوئی نیا طریقہ کار متعارف کرانے کی کوشش آئین و قانون کے منافی ہوگی۔ بیرسٹر عقیل ملک نے کہا کہ ’’مجوزہ خیبر پختونخوا پولیس ایکٹ کو سیاسی رنگ دیا گیا ہے‘‘ اور اس کا مقصد پولیس فورس کو صوبائی حکومت کے ماتحت کرنا ہے۔ انہوں نے کہا کہ جہاں وفاقی قانون لاگو ہوتا ہے وہاں صو...

اسلام آباد، 24 ستمبر 2026 (کامران راجہ): وفاقی حکومت نے پاکستان تحریک انصاف (پی ٹی آئی) کے 27 ستمبر کو وفاقی دارالحکومت کی جانب اعلان کردہ لانگ مارچ کے پیش نظر اسلام آباد اور پنجاب کے متعدد اضلاع میں 20 ستمبر سے 5 اکتوبر تک پاکستان رینجرز کی تعیناتی کی منظوری دے دی ہے۔ وزارت داخلہ و انسداد منشیات کی جانب سے جاری نوٹیفکیشن کے مطابق رینجرز اہلکار پاکستان رینجرز آرڈیننس 1959 اور انسداد دہشت گردی ایکٹ 1997 کی متعلقہ دفعات کے تحت تعینات رہیں گے۔ نوٹیفکیشن میں رینجرز اور پولیس کو پرتشدد سرگرمیوں اور سکیورٹی خطرات سے نمٹنے کے لیے ضروری اقدامات کرنے کی اجازت دی گئی ہے، جبکہ مسلح یا شرپسند گروہوں کے حملوں کی صورت میں اپنے دفاع میں کارروائی کرنے کی بھی ہدایت کی گئی ہے۔ پنجاب حکومت نے اس سے قبل راولپنڈی، اٹک، جہلم اور میانوالی میں 22 ستمبر سے 5 اکتوبر تک امن و امان برقرار رکھنے کے لیے پولیس کی معاونت...

اسلام آباد، 24 ستمبر 2026 (غفران): وفاقی وزیر برائے آئی ٹی و ٹیلی کمیونیکیشن شزہ فاطمہ خواجہ نے اسلام آباد میں ہواوے کے پہلے قومی سطح کے اسپیئر پارٹس ریپئر سینٹر کا افتتاح کردیا، جس کا مقصد پاکستان میں مقامی مرمت کی صلاحیت کو فروغ دینا، بیرون ملک خدمات پر انحصار کم کرنا اور ٹیلی کام انفرااسٹرکچر کو مضبوط بنانا ہے۔ اس موقع پر ہواوے پاکستان کے چیف ایگزیکٹو آفیسر ایتھن سن بھی موجود تھے۔ تقریب سے خطاب کرتے ہوئے شزہ فاطمہ خواجہ نے کہا کہ ڈیجیٹل نیشن پاکستان کا وژن ایک ہنرمند اور مستقبل کے تقاضوں سے ہم آہنگ افرادی قوت تیار کرنا ہے، جو عالمی منڈیوں میں مقابلہ کرنے اور اپنی صلاحیتوں کے ذریعے قدر پیدا کرنے کے قابل ہو۔ انہوں نے کہا کہ پاکستان ٹیکنالوجی کے صارف سے ڈیجیٹل حل تیار کرنے، تخلیق کرنے اور برآمد کرنے والے ملک کی جانب بڑھ رہا ہے۔ وفاقی وزیر نے ہواوے کی سرمایہ کاری، ٹیکنالوجی کی منتقلی اور مق...

مانچسٹر، 24 ستمبر 2026 (غفران): مانچسٹر سٹی کے اسٹار فٹبالر ارلنگ ہالینڈ نے یوٹیوب اسٹار مسٹر بیسٹ کے ساتھ مل کر اپنی وائرل اے آئی میم کو حقیقی منظر میں تبدیل کرکے مداحوں کو حیران کردیا۔ اصل وائرل ویڈیو میں اے آئی کی مدد سے ہالینڈ کو ایک ریسٹورنٹ میں کھانا کھاتے ہوئے اپنا عکس دیکھ کر اچانک چونکتے ہوئے دکھایا گیا تھا، جو دیکھتے ہی دیکھتے مقبول انٹرنیٹ میم بن گئی۔ اب ہالینڈ نے مسٹر بیسٹ کے ساتھ مل کر اسی منظر کو حقیقی انداز میں دوبارہ تخلیق کیا اور مداحوں کو دلچسپ سرپرائز دیا۔ ویڈیو میں ہالینڈ اور مسٹر بیسٹ ایک ساتھ نوڈلز کھاتے دکھائی دیتے ہیں، اسی دوران ناروے کے فٹبالر آئینے کی جانب دیکھتے ہیں اور اپنا عکس دیکھ کر خوفزدہ ہونے کی مزاحیہ اداکاری کرتے ہیں۔ ہالینڈ اور مسٹر بیسٹ کی اس ہلکی پھلکی ویڈیو نے آن لائن توجہ حاصل کی، جس میں دونوں نے فٹبالر سے متعلق مقبول ترین وائرل انٹرنیٹ لمحات میں سے ...

لندن، 24 ستمبر 2026 (نوشین): برطانیہ میں معروف عالمی گلوکاروں اور موسیقاروں کے نام پر جعلی ونائل ریکارڈز تیار کرکے لاکھوں پاؤنڈ کمانے والے 40 سالہ ریحان احمد کو عدالت نے ساڑھے تین سال قید کی سزا سنا دی۔ ملزم نے تقریباً سات سال تک یہ غیر قانونی کاروبار جاری رکھا اور اس دوران 27 لاکھ پاؤنڈ سے زائد منافع کمایا۔ برطانوی حکام کے مطابق ریحان احمد نے دی بیٹلز، ٹیلر سوئفٹ، ایڈ شیرن، ایڈیل، آریانا گرانڈے، ڈریک، بیونسے اور ریحانہ سمیت 108 سے زائد فنکاروں کی موسیقی کے جعلی ریکارڈز تیار کرکے فروخت کیے۔ معاملہ اس وقت سامنے آیا جب میوزک انڈسٹری کے نمائندوں نے خفیہ طور پر اس کے گودام سے ریکارڈ خریدے اور جانچ کے دوران ان کے جعلی ہونے کا انکشاف ہوا۔ بعدازاں پولیس نے لندن کے علاقے ایکٹن میں واقع گودام پر چھاپہ مار کر 2,791 جعلی ونائل ریکارڈز برآمد کیے، جسے برطانوی پولیس نے ایک کارروائی میں جعلی ونائل ریکارڈ...