Latest

اسلام آباد، 30 اکتوبر 2026 (کامران راجہ): دنیا کے 22 ممالک میں بندرگاہوں کے مزدور جمعہ کو جنگوں اور اسلحے کی ترسیل کے لیے بندرگاہوں کے استعمال کے خلاف مشترکہ ہڑتال کریں گے، منتظمین کے مطابق اس احتجاج کے نتیجے میں بحیرہ روم کی 40 فیصد سے زائد مال برداری متاثر ہونے اور دو ارب ڈالر سے زیادہ مالیت کی تجارتی ترسیل میں خلل پڑنے کا خدشہ ہے۔ ہڑتال کا آغاز اٹلی، فرانس، یونان، اسپین کے علاقے باسک، ترکی اور مراکش کی بندرگاہوں کے مزدوروں کی یونینوں نے کیا تھا، جس کی اب 113 بندرگاہوں میں سرگرم 25 سے زائد مزدور تنظیموں نے حمایت کردی ہے۔ احتجاج کے باعث یورپ اور دیگر خطوں کی اہم بندرگاہوں، جن میں جرمنی کا ہیمبرگ، اسپین کا ویلنسیا اور الجیسیراس، فرانس کا لی ہاور، یونان کا پیرائس اور اٹلی کا جینوا شامل ہیں، متاثر ہونے کا امکان ہے، جبکہ مراکش کی ٹینجیر میڈ اور بھارت کی نہوا شیوا بندرگاہ بھی احتجاج کی زد میں ...

اسلام آباد، 30 اکتوبر 2026 (نوشین): امریکا اور ایران کے درمیان ممکنہ معاہدے کی کوششوں کو آگے بڑھانے کے لیے قطری ثالث دوبارہ تہران پہنچ گئے ہیں، تاہم جوہری معاملات، پابندیوں اور امریکی بندرگاہی ناکہ بندی پر اختلافات مذاکرات میں بڑی رکاوٹ بنے ہوئے ہیں۔ مذاکرات سے آگاہ ایک عہدیدار نے خبر رساں ادارے رائٹرز کو بتایا کہ ثالثی کی تازہ کوششیں واشنگٹن کے ساتھ رابطے اور مشاورت سے کی جا رہی ہیں۔ قطر نے رواں ہفتے کے آغاز میں ایران کو امن منصوبے کا مسودہ پیش کیا تھا، تاہم ایک سینئر ایرانی عہدیدار نے ان تجاویز کو ناقابل قبول قرار دیتے ہوئے تہران کے جوہری مؤقف پر قائم رہنے کا اعلان کیا۔ امریکا چاہتا ہے کہ مذاکرات کے آغاز ہی سے جوہری معاملات کو زیر بحث لایا جائے، جبکہ ایران کا مطالبہ ہے کہ واشنگٹن پہلے ایرانی بندرگاہوں کی ناکہ بندی ختم کرے اور تیل کی برآمدات پر عائد پابندیاں اٹھائے۔ ایرانی وزیر خارجہ عباس...

مظفرآباد، 30 اکتوبر 2026 (غفران): آزاد جموں و کشمیر کے ضلع باغ کے علاقے پنڈی گاؤں میں گھر کے اندر گیس سلنڈر پھٹنے سے تین خواتین سمیت ایک ہی خاندان کے چار افراد جاں بحق جبکہ 15 سالہ لڑکی شدید زخمی ہوگئی۔ اطلاعات کے مطابق دھماکا شکدار نامی شخص کے گھر میں پیش آیا، جس کے نتیجے میں اس کی 80 سالہ والدہ، 40 سالہ اہلیہ شازیہ، 11 سالہ بیٹا حارث اور آٹھ سالہ بیٹی ملائکہ موقع پر ہی دم توڑ گئے۔ واقعے میں اس کی 15 سالہ بیٹی انیکہ شدید زخمی ہوئی، جسے طبی امداد کے لیے منتقل کردیا گیا، جہاں اس کی حالت تشویشناک بتائی گئی ہے۔ وزیراعظم آزاد جموں و کشمیر نے افسوسناک واقعے میں قیمتی جانوں کے ضیاع پر گہرے دکھ اور افسوس کا اظہار کرتے ہوئے سوگوار خاندان سے تعزیت کی۔ انہوں نے واقعے کو متنازع رنگ دینے کی کوششوں اور سوشل میڈیا پر مبینہ پروپیگنڈے کی مذمت کرتے ہوئے ایسے اقدامات کو افسوسناک اور قابل مذمت قرار دیا۔ دوسر...

پشاور، 30 اکتوبر 2026 (کامران راجہ): ڈائریکٹر جنرل انٹر سروسز پبلک ریلیشنز (ڈی جی آئی ایس پی آر) لیفٹیننٹ جنرل احمد شریف چوہدری نے پشاور کا دورہ کیا، جہاں انہوں نے مختلف جامعات کے طلبہ اور اساتذہ کے ساتھ ایک خصوصی اور تعاملی نشست میں شرکت کی۔ نشست کے دوران پاکستان کی قومی سلامتی، علاقائی چیلنجز اور گمراہ کن معلومات کے خلاف نوجوانوں کے کردار سمیت اہم امور پر گفتگو ہوئی۔ مختلف جامعات کے طلبہ نے فوجی ترجمان کا پرتپاک استقبال کیا اور انہیں روایتی پختون پگڑی اور چادر پیش کی۔ لیفٹیننٹ جنرل احمد شریف چوہدری نے شرکاء کو ملک کی سکیورٹی صورتحال اور ابھرتے ہوئے علاقائی چیلنجز سے آگاہ کیا، جبکہ طلبہ کے سوالات کے تفصیلی جوابات بھی دیے۔ شرکاء نے دہشت گردی کے خلاف جنگ اور ملکی سلامتی کے تحفظ میں پاک فوج کے کردار کو سراہتے ہوئے اس کے ساتھ کھڑے رہنے کے عزم کا اظہار کیا۔ طلبہ کا کہنا تھا کہ اس نشست سے انہیں...