پاکستان ٹائمز

برمنگھم، 13 ستمبر 2026 (غفران): پاکستان کے وائٹ بال کوچ مائیک ہیسن نے انگلینڈ کے خلاف آخری ٹیسٹ میچ کی ذمہ داری سنبھالنے کے بعد قومی ٹیم کی مستقل ٹیسٹ کوچنگ کا عہدہ سنبھالنے پر آمادگی ظاہر کردی۔ پاکستان کرکٹ بورڈ (پی سی بی) کی جانب سے سیریز کے دوران بڑے پیمانے پر تبدیلیوں کے بعد ہیسن کو آخری ٹیسٹ کے لیے عبوری کوچ مقرر کیا گیا تھا، جس کے تحت 7 کھلاڑیوں کو وطن واپس بھیجنے کے ساتھ ہی ہیڈ کوچ سرفراز احمد اور عمر گل کو بھی ان کے عہدوں سے ہٹا دیا گیا تھا۔ پاکستان کو انگلینڈ کے ہاتھوں 3-0 سے ٹیسٹ سیریز میں شکست کے بعد پریس کانفرنس کرتے ہوئے ہیسن نے کہا کہ انہیں ٹیسٹ کرکٹ پسند ہے اور ان کے خیال میں پاکستان کے پاس مناسب رہنمائی کے ساتھ آگے بڑھنے کے لیے کافی باصلاحیت کھلاڑی موجود ہیں۔ 51 سالہ نیوزی لینڈ کے کوچ نے کہا کہ انہوں نے ابھی مستقل عہدے کی پیشکش پر غور نہیں کیا کیونکہ اس وقت ان کی توجہ پاکست...

نیویارک، 13 ستمبر 2026 (کامران راجا): ایلینا ریباکینا نے یو ایس اوپن کے فائنل میں دفاعی چیمپئن آرینا سبالینکا کو 6-4، 5-7، 6-2 سے شکست دے کر اپنے کیریئر کا تیسرا گرینڈ سلیم ٹائٹل جیت لیا اور عالمی نمبر ایک بننے کی جانب اپنا سفر مکمل کرلیا۔ سیمی فائنل میں پہنچنے کے بعد ہی ریباکینا کا سبالینکا کو عالمی درجہ بندی میں پیچھے چھوڑنا یقینی ہوگیا تھا، تاہم فائنل میں فتح کے ساتھ انہوں نے بیلاروس کی کھلاڑی کو مسلسل تیسری بار یو ایس اوپن ٹائٹل جیتنے سے روک دیا اور فلشنگ میڈوز میں ان کی 20 میچوں پر مشتمل ناقابل شکست سلسلہ بھی ختم کردیا۔ ریباکینا نے اپنا پہلا گرینڈ سلیم ٹائٹل 2022 میں ومبلڈن میں جیتا تھا، جبکہ جنوری میں آسٹریلین اوپن کے فائنل میں سبالینکا کو شکست دے کر دوسرا بڑا اعزاز حاصل کیا۔ 27 سالہ قازق کھلاڑی نے پہلے سیٹ میں طاقتور گراؤنڈ اسٹروکس کے ذریعے سبالینکا پر دباؤ برقرار رکھا اور 12 بریک پ...

وینس، 12 ستمبر 2026 (نوشین): غزہ کی صورتحال پر بنائی گئی دستاویزی فلم ’نازا‘ کو وینس فلم فیسٹیول میں شاندار پذیرائی حاصل ہوئی، جہاں فلم کی نمائش کے بعد ناظرین نے تقریباً 25 منٹ تک کھڑے ہو کر فلم سازوں کو داد دی۔ فرانسیسی خبر رساں ادارے اے ایف پی کے مطابق یہ فیسٹیول کی تاریخ میں طویل ترین اسٹینڈنگ اوویشنز میں سے ایک ہے۔ تقریباً 80 منٹ دورانیے کی اس دستاویزی فلم میں غزہ میں شہریوں کی ہلاکتوں اور فلسطینیوں کے خلاف اسرائیلی کارروائیوں کے مختلف پہلوؤں کو پیش کیا گیا ہے، جبکہ فلم میں یہ دعویٰ بھی کیا گیا ہے کہ فلسطینی علاقوں میں لوگوں کو نشانہ بنانے کے لیے مصنوعی ذہانت سے چلنے والے نظام استعمال کیے گئے۔ فلم اسرائیلی صحافیوں یووال ابراہم اور ریچل زور نے بنائی ہے، جنہوں نے اس سے قبل 2025 میں دستاویزی فلم ’نو ادر لینڈ‘ پر آسکر ایوارڈ حاصل کیا تھا۔ ’نازا‘ کی تیاری میں تقریباً تین سال کی تحقیق شامل ر...

خنجراب، 12 ستمبر 2026 (کامران راجہ): خنجراب میں رواں سال کی پہلی برفباری کے بعد پہاڑوں نے سفید چادر اوڑھ لی، جس سے خنجراب بارڈر کے قدرتی حسن میں مزید اضافہ ہوگیا۔ برفباری کے باعث علاقے میں سردی کی شدت بڑھ گئی ہے، جبکہ ملکی و غیر ملکی سیاح برفباری اور دلکش قدرتی مناظر سے لطف اندوز ہونے کے لیے علاقے کا رخ کر رہے ہیں۔ سیاحوں نے برف سے ڈھکے پہاڑوں اور خوبصورت مناظر کو اپنے کیمروں میں محفوظ کیا، جس سے خنجراب کی سیاحتی کشش مزید بڑھ گئی ہے۔

لاہور، 12 ستمبر 2026 (نوشین): پاکستان کے فاسٹ باؤلر محمد عباس نے انگلینڈ کے خلاف تیسرے ٹیسٹ میں شاندار کارکردگی کا مظاہرہ کرتے ہوئے لیجنڈری فاسٹ باؤلر وسیم اکرم کا 27 سال پرانا ریکارڈ برابر کر دیا۔ عباس نے اننگز کے ابتدائی اوور میں انگلینڈ کے دو بلے بازوں کو آؤٹ کرکے یہ اعزاز حاصل کیا۔ اس سے قبل عباس نے بیٹنگ میں بھی اہم کردار ادا کرتے ہوئے 42 رنز بنائے اور رضوان اللہ کے ساتھ نویں وکٹ کے لیے 121 رنز کی شراکت قائم کی، جس کی بدولت پاکستان نے 449 رنز کا مجموعہ حاصل کیا اور میچ میں مضبوط پوزیشن بنائی۔ پاکستان کی جانب سے دیے گئے 130 رنز کے ہدف کے تعاقب میں انگلینڈ کی اننگز کا آغاز ہوا تو عباس نے پہلے ہی اوور میں انگلینڈ کے ابتدائی دو بلے بازوں کو پویلین واپس بھیج کر پاکستان کو اہم برتری دلائی۔ عباس نے 1999 میں وسیم اکرم کی جانب سے ٹیسٹ اننگز کے ابتدائی اوور میں دو وکٹیں حاصل کرنے کا کارنامہ 27 ...

لاہور، 12 ستمبر 2026 (غفران): پاکستان کے کرکٹرز محمد رضوان اور امام الحق لازمی فٹنس ٹیسٹ رپورٹس جمع نہ کرانے کے باعث آئندہ صدرز ٹرافی گریڈ ون میں شرکت نہیں کر سکیں گے۔ ذرائع کے مطابق پاکستان کرکٹ بورڈ (پی سی بی) نے فرسٹ کلاس کرکٹ میں شرکت کے لیے کھلاڑیوں کے فٹنس ٹیسٹ اور متعلقہ محکمہ جاتی ٹیموں کی جانب سے فٹنس رپورٹس جمع کرانا لازمی قرار دیا ہے۔ ذرائع کا کہنا ہے کہ رضوان اور امام الحق نے اپنی متعلقہ ٹیموں کے ساتھ مطلوبہ فٹنس ٹیسٹ نہیں دیے، جس کے باعث ان کی ٹیموں کے پاس دونوں کھلاڑیوں کی ضروری فٹنس رپورٹس موجود نہیں ہیں۔ نتیجتاً دونوں کرکٹرز اس وقت ٹورنامنٹ میں شرکت کے لیے اہل نہیں ہیں، جو 12 ستمبر سے شروع ہو رہا ہے۔ رضوان کو ایس این جی پی ایل کا نائب کپتان مقرر کیا گیا تھا جبکہ شان مسعود ٹیم کی قیادت کر رہے ہیں، تاہم ابتدائی راؤنڈ میں شان مسعود کی عدم دستیابی کے باعث رضوان سے اسٹیٹ بینک کے...

ایبٹس فورڈ، 12 ستمبر 2026 (نیوز ڈیسک): بھارتی پنجابی گلوکار و اداکار ایمی ورک کینیڈا کے شہر ایبٹس فورڈ میں کنسرٹ کے بعد فائرنگ کے ایک واقعے میں بال بال بچ گئے۔ ایبٹس فورڈ پولیس کے مطابق 5 ستمبر کی رات تقریباً 11 بجے میکلم روڈ کے علاقے میں ایک گاڑی پر فائرنگ کی گئی، جس میں سات گولیاں چلائی گئیں۔ فائرنگ کا نشانہ بننے والی بلٹ پروف گاڑی ایمی ورک کے کنسرٹ سے منسلک قافلے کا حصہ تھی۔ پولیس نے تاحال باضابطہ طور پر یہ تصدیق نہیں کی کہ فائرنگ کرنے والوں کا اصل ہدف کون تھا، تاہم یہ افواہیں گردش کر رہی ہیں کہ ایمی ورک کو نشانہ بنایا گیا تھا۔ دوسری جانب ایمی ورک کے والد کُلجیت سنگھ نے ان خبروں کی تردید کرتے ہوئے کہا ہے کہ فائرنگ میں ایمی ورک یا ان کی گاڑی کو نشانہ نہیں بنایا گیا، بلکہ واقعہ ممکنہ طور پر کنسرٹ کے منتظمین سے منسلک ایک گاڑی سے متعلق تھا۔ پولیس کی جانب سے واقعے کی مزید تحقیقات جاری ہیں۔...

برمنگھم، 12 ستمبر 2026 (کامران راجہ): انگلینڈ نے ہفتے کے روز ایجبسٹن میں تیسرے ٹیسٹ میں پاکستان کو 8 وکٹوں سے شکست دے کر تین ٹیسٹ میچوں کی سیریز 3-0 سے جیت لی اور پاکستان کے خلاف اپنی سرزمین پر پہلی بار ٹیسٹ سیریز میں وائٹ واش مکمل کیا۔ 130 رنز کے معمولی ہدف کے تعاقب میں انگلینڈ نے آخری سے ایک روز قبل پہلے ہی سیشن میں ہدف حاصل کر لیا۔ پاکستان کی جانب سے محمد عباس نے شاندار آغاز کرتے ہوئے پہلے ہی اوور میں بین ڈکٹ اور ایمیلیو گے کو صفر پر آؤٹ کر کے انگلینڈ کو ابتدائی مشکل میں ڈال دیا، تاہم جو روٹ اور جارڈن کاکس نے ذمہ دارانہ شراکت قائم کرتے ہوئے صورتحال پر قابو پالیا۔ جو روٹ نے 69 رنز کی 62 رنز کی ناقابل شکست اننگز کھیلی اور ایجبسٹن میں اپنے ایک ہزار ٹیسٹ رنز بھی مکمل کیے، جبکہ جارڈن کاکس 76 گیندوں پر 59 رنز بنا کر ناٹ آؤٹ رہے۔ روٹ نے اپنے ٹیسٹ کیریئر کی 69ویں نصف سنچری مکمل کی، جبکہ کاکس نے...

ممبئی، 12 ستمبر 2026 (نوشین): بھارتی اداکارہ کترینہ کیف کو اپنے کیریئر کے آغاز میں رقص کی صلاحیتوں پر سخت تنقید کا سامنا کرنا پڑا تھا، کوریوگرافر بوسکو نے انکشاف کیا ہے کہ ایک کوریوگرافر نے انہیں رقص کے معاملے میں ’زیرو‘ قرار دیتے ہوئے رقص چھوڑنے کا مشورہ دیا تھا۔ بوسکو اور ان کے ساتھی کوریوگرافر سیزر نے حال ہی میں ہدایت کار اور کوریوگرافر فرح خان کے ساتھ ایک انٹرویو میں اپنے کیریئر اور کترینہ کیف کے ساتھ کام کرنے کے تجربات پر گفتگو کی۔ اس دوران فرح خان نے بتایا کہ مقبول گانا ’شیلا کی جوانی‘ ان کی جانب سے کوریوگراف کیے گئے کم بجٹ والے گانوں میں شامل تھا، جس میں کترینہ کیف کے ساتھ صرف 10 لڑکوں نے پرفارم کیا تھا۔ بوسکو نے کہا کہ ’شیلا کی جوانی‘ کترینہ کیف کے کیریئر کے لیے فیصلہ کن گانا ثابت ہوا، جبکہ فرح خان نے بھی اسے ان کے کیریئر کا اہم موڑ قرار دیا۔ تاہم، انہوں نے کہا کہ اس وقت انہیں معلو...