پاکستان ٹائمز

تہران، 21 ستمبر ,2026 (غفران): وفاقی وزیر داخلہ محسن نقوی نے ایران کے سرکاری دورے کے دوران تہران میں اپنے ایرانی ہم منصب اسکندر مومنی سے ملاقات کی، جس میں پاکستان اور ایران کے دوطرفہ تعلقات، علاقائی صورتحال اور جاری تعاون پر تبادلہ خیال کیا گیا۔ ملاقات کے دوران دونوں جانب سے مختلف شعبوں میں جاری تعاون پر پیش رفت کا جائزہ لیا گیا اور باہمی دلچسپی کے امور پر بھی تبادلہ خیال کیا گیا۔ دونوں وزرا نے خطے میں امن و استحکام کے فروغ کے لیے مسلسل کوششوں کی اہمیت پر زور دیا۔ اسکندر مومنی نے علاقائی امن و استحکام کے لیے پاکستان کی مسلسل کوششوں کو سراہتے ہوئے خطے میں قیام امن کے لیے پاکستانی قیادت کے کردار پر شکریہ ادا کیا۔ انہوں نے دونوں ہمسایہ ممالک کے درمیان تعاون جاری رکھنے کی اہمیت کو بھی اجاگر کیا۔ محسن نقوی نے کہا کہ آنے والے عرصے میں پاکستان اور ایران کے دوطرفہ تعلقات کو مزید مضبوط بنایا جائے گ...

بنوں، 21 ستمبر 2026 (کامران راجہ): بنوں میں نامعلوم افراد کے ہاتھوں اغوا کیے گئے فرنٹیئر کور (ایف سی) کے دو اہلکار جاں بحق پائے گئے۔ پولیس کے مطابق حوالدار اسحاق اور سپاہی عمر حیات کی لاشیں بنوں کے علاقے تلگئی سے برآمد ہوئیں، جنہیں پولیس نے تحویل میں لے کر پوسٹ مارٹم کے لیے خلیفہ گل نواز ٹیچنگ ہسپتال منتقل کر دیا۔ پولیس کے مطابق دونوں اہلکاروں کو ایک روز قبل سیفن کوزی خیل کرم گڑھی کے علاقے سے مبینہ طور پر اغوا کیا گیا تھا۔ واقعے کی تحقیقات جاری ہیں جبکہ اغوا اور ہلاکتوں کے محرکات اور ملزمان کی شناخت کے لیے کوششیں کی جا رہی ہیں۔ یہ واقعہ خیبر پختونخوا کے بعض علاقوں میں سیکیورٹی کے مسلسل چیلنجز کے درمیان پیش آیا ہے جہاں سیکیورٹی اہلکاروں کو وقتاً فوقتاً حملوں اور ٹارگٹ کلنگ کا سامنا رہا ہے۔ دوسری جانب وزارت اطلاعات و نشریات کے مطابق سیکیورٹی فورسز نے خیبر پختونخوا اور پاک افغان سرحد سے ملحقہ...

کیف، 21 ستمبر 2026 (غفران): یوکرینی حکام کے مطابق کیف کے علاقے میں رات گئے روسی ڈرون حملے میں تین بچوں سمیت چار افراد ہلاک ہوگئے، جبکہ کیف اور گردونواح میں دن بھر ڈرون حملے جاری رہے۔ کیف کے میئر وٹالی کلِچکو نے ایک شخص کے زخمی ہونے کی اطلاع دی جبکہ دارالحکومت کے مختلف اضلاع میں ڈرون کے ٹکڑے بھی گرے۔ دارالحکومت سے باہر کیف کے علاقے میں ایک نجی مکان پر روسی ڈرون حملے کے نتیجے میں ایک خاتون اور اس کے تین سالہ جڑواں بچوں سمیت تین افراد ہلاک ہوگئے، جبکہ ایک الگ ڈرون حملے میں زخمی ہونے والی بچی اسپتال میں دم توڑ گئی۔ کیف کے گورنر تیمور تکاچینکو نے کہا کہ علاقے میں ایک روز سے زائد عرصے تک حملے جاری رہے، جن میں جنوب مغربی فاسٹیو ضلع سب سے زیادہ متاثر ہوا جہاں گھروں، صنعتی و یوٹیلیٹی عمارتوں، زرعی ادارے کے احاطے اور گاڑیوں سمیت 24 سے زائد مقامات کو نقصان پہنچا۔ سومی شہر میں روسی فورسز نے ایک اپارٹم...

لاہور، 21 ستمبر 2026 (نوشین): پاکستان تحریک انصاف کے بانی عمران خان کی بہنوں عظمیٰ خان اور نورین نیازی کو لاہور کے ڈپٹی کمشنر کے احکامات پر مینٹیننس آف پبلک آرڈر  کی دفعہ 3 کے تحت 30 روز کے لیے حراست میں لے لیا گیا۔ ذرائع کے مطابق پولیس کی سفارش پر دونوں کو امن و امان کو ممکنہ خطرے کے پیش نظر حراست میں لیا گیا۔ عظمیٰ اور نورین کو ان کی بہن علیمہ خان کی رہائش گاہ سے ان کے بھانجوں کے ہمراہ حراست میں لیا گیا اور بعد ازاں بکتر بند گاڑی میں منتقل کیا گیا۔ یہ گرفتاریاں ایسے وقت میں ہوئی ہیں جب پی ٹی آئی 27 ستمبر کو اسلام آباد کی جانب مارچ سمیت ملک گیر احتجاج کی تیاری کر رہی ہے۔ پارٹی عمران خان کی رہائی اور آئین کی بالادستی کا مطالبہ کر رہی ہے۔ قبل ازیں علیمہ خان کے دو بیٹوں شہریز خان اور شیر شاہ کو بھی لاہور میں حراست میں لیا گیا تھا، تاہم ان کے وکیل رانا مدثر کے مطابق دونوں کو مختصر حراست کے بع...

اقوام متحدہ، 21 ستمبر 2026 (کامران راجہ): نائب وزیراعظم اور وزیر خارجہ اسحاق ڈار اقوام متحدہ کی جنرل اسمبلی کے 81ویں اجلاس میں شرکت کے لیے نیویارک پہنچ گئے۔ کینیڈی انٹرنیشنل ایئرپورٹ پر پاکستان کے اقوام متحدہ میں سفیر عاصم افتخار احمد، امریکا میں پاکستانی سفیر رضوان سعید شیخ، نیویارک میں قونصل جنرل عامر احمد اتوزئی اور پاکستانی مشن و قونصلیٹ جنرل کے اعلیٰ حکام نے ان کا استقبال کیا۔ اسحاق ڈار اپنے دورے کے دوران او آئی سی کے مختلف اجلاسوں میں شرکت کریں گے، جن میں جموں و کشمیر سے متعلق او آئی سی رابطہ گروپ کا اجلاس بھی شامل ہے، جہاں وہ کشمیریوں کے حق خودارادیت کے لیے پاکستان کے مؤقف کو اجاگر کریں گے۔ وہ فلسطین، مصنوعی ذہانت، وبائی امراض سے بچاؤ اور دیگر عالمی امور سے متعلق اعلیٰ سطحی اجلاسوں میں بھی شرکت کریں گے جبکہ ای سی او وزرائے خارجہ کونسل کے اجلاس کی صدارت کریں گے۔ نائب وزیراعظم مختلف م...

اسلام آباد، 21 ستمبر 2026 (کامران راجہ): وزارت اطلاعات و نشریات کے مطابق سیکیورٹی فورسز نے خیبر پختونخوا اور پاک افغان سرحدی علاقوں میں بڑے پیمانے پر زمینی اور فضائی کارروائیوں کے دوران 37 دہشت گردوں کو ہلاک کردیا۔ وزارت کے مطابق کوہاٹ، ہنگو اور تھل میں انٹیلی جنس بنیادوں پر کارروائیاں کی گئیں، جن میں 20 ستمبر کو 9 دہشت گرد ہلاک ہوئے۔ پاک افغان سرحد سے ملحقہ علاقے میں سیکیورٹی فورسز نے فتنۃ الخوارج اور اس سے وابستہ دہشت گرد گروہوں کی 3 کمین گاہیں تباہ کردیں، جبکہ خودکش بمباروں کے تربیتی مرکز کو بھی نشانہ بنایا گیا۔ کارروائی کے دوران متعدد خودکش بمباروں سمیت 28 دہشت گرد ہلاک ہوئے جبکہ ٹھکانوں میں موجود اسلحہ اور گولہ بارود بھی تباہ کردیا گیا۔ وزارت اطلاعات کے مطابق کارروائیوں کے دوران شہریوں کی ہلاکتوں اور املاک کے نقصان سے بچنے کے لیے زیادہ سے زیادہ احتیاطی تدابیر اختیار کی گئیں۔ وزارت نے ...

اسلام آباد، 21 ستمبر 2026 (غفران): وفاقی وزیر داخلہ محسن نقوی ایران کے لیے روانہ ہوگئے جہاں وہ ایرانی اعلیٰ حکام سے ملاقاتیں کریں گے۔ ملاقاتوں میں دوطرفہ تعلقات، خطے کی مجموعی صورتحال اور باہمی دلچسپی کے امور پر تبادلہ خیال کیا جائے گا۔ ایرانی وزارت خارجہ کے ترجمان اسماعیل بقائی کے مطابق محسن نقوی کے دورۂ ایران میں دوطرفہ معاملات اور پاکستان اور ایران کی قیادت کے درمیان پہلے سے طے پانے والی مفاہمت پر پیش رفت کا جائزہ لیا جائے گا۔ دورہ پاکستان اور ایران کے درمیان جاری سفارتی رابطوں اور خطے میں ہونے والی اہم پیش رفت کے تناظر میں ہو رہا ہے۔ محسن نقوی اس سے قبل بھی ایران کے متعدد دورے کر چکے ہیں، جبکہ اگست میں انہوں نے فیلڈ مارشل عاصم منیر کے ہمراہ ایران کا دورہ کیا تھا، جس کے دوران پاکستانی اور ایرانی حکام نے علاقائی کشیدگی، ایران امریکا تنازع اور امن و استحکام کے لیے کوششوں پر تبادلہ خیال ک...

راولپنڈی، 20 ستمبر 2026 (کامران راجہ): 20 ستمبر کو ضلع ہنگو میں سیکیورٹی فورسز کے قافلے اور خوارج کے درمیان فائرنگ کا تبادلہ ہوا، جس کے نتیجے میں سیکیورٹی فورسز کی مؤثر کارروائی کے دوران بھارتی سرپرستی میں سرگرم فتنۃ الخوارج سے تعلق رکھنے والے 8 خوارج ہلاک ہوگئے۔ انٹر سروسز پبلک ریلیشنز (آئی ایس پی آر) کے مطابق شدید فائرنگ کے تبادلے کے دوران اپنے دستوں کی قیادت فرنٹ سے کرنے والے کیپٹن ابوزر فاروق، عمر 23 سال، ضلع گوجرانوالہ کے رہائشی، اور لیفٹیننٹ شیراز بابر، عمر 22 سال، ضلع چکوال کے رہائشی، نے بہادری سے لڑتے ہوئے جام شہادت نوش کیا، جبکہ ان کے ساتھ مزید 4 جوان بھی شہید ہوگئے۔ علاقے میں موجود دیگر خوارج کے خاتمے کے لیے کلیئرنس اور سینیٹائزیشن آپریشن جاری ہے، جبکہ وفاقی ایپکس کمیٹی برائے نیشنل ایکشن پلان سے منظور شدہ وژن ’’عزمِ استحکام‘‘ کے تحت سیکیورٹی فورسز اور قانون نافذ کرنے والے اداروں ...

تہران، 20 ستمبر 2026 (نوشین): ایرانی صدر مسعود پزشکیان آئندہ چند روز میں اقوام متحدہ کی جنرل اسمبلی کے اجلاس میں شرکت کے لیے نیویارک روانہ ہوں گے۔ ایرانی میڈیا کے مطابق صدر مسعود پزشکیان جنرل اسمبلی سے خطاب کریں گے، جس میں وہ عالمی امور، خصوصاً ایران، امریکا اور اسرائیل کے درمیان جاری کشیدگی کے حوالے سے ایران کا مؤقف پیش کریں گے۔ صدر پزشکیان دورہ نیویارک کے دوران عالمی رہنماؤں اور مختلف ممالک کے اعلیٰ حکام سے ملاقاتیں بھی کریں گے، جن میں دوطرفہ تعلقات، عالمی صورتحال اور باہمی دلچسپی کے امور پر تبادلہ خیال متوقع ہے۔ ایرانی صدر کے ہمراہ اعلیٰ سطحی وفد بھی نیویارک جائے گا، جس میں حکومت کے اہم عہدیدار اور متعلقہ حکام شامل ہوں گے۔ ایرانی میڈیا کے مطابق یہ دورہ ایسے وقت میں ہو رہا ہے جب ایران اور امریکا کے درمیان کشیدگی اور خطے کی صورتحال عالمی توجہ کا مرکز بنی ہوئی ہے۔ جنرل اسمبلی کے اجلاس کے م...

تہران، 20 ستمبر 2026 (غفران): ایران نے خبردار کیا ہے کہ اگر اس پر دوبارہ حملہ کیا گیا تو وہ خطے میں امریکی فوجی اڈوں اور دیگر امریکی مفادات کو نشانہ بنانے کے لیے تیار ہے۔ ایرانی مسلح افواج کی مشترکہ کمانڈ نے اتوار کو جاری کیے گئے ایک تفصیلی بیان میں دعویٰ کیا ہے کہ امریکا نے بعض علاقائی ممالک کو اعتماد میں لینے کے بعد ایران کے خلاف دوبارہ فوجی کارروائیاں شروع کرنے کا فیصلہ کیا ہے۔ ایران کے ’خاتم الانبیاء سینٹرل ہیڈکوارٹرز‘ کے مطابق انٹیلی جنس معلومات سے معلوم ہوا ہے کہ یہ فیصلہ یورپ کے ایک ملک میں ہونے والے مشترکہ اجلاس کے دوران کیا گیا، تاہم بیان میں ملک کا نام ظاہر نہیں کیا گیا۔ بیان میں الزام عائد کیا گیا کہ امریکا گزشتہ جنگ میں اپنی ناکامیوں پر پردہ ڈالنے اور بعض علاقائی ممالک کے اشارے پر دوبارہ کارروائی کی منصوبہ بندی کر رہا ہے۔ ایرانی فوجی حکام نے خطے کے ممالک کو بھی خبردار کیا ہے کہ...