ایئر یونیورسٹی اسلام آباد کے طلبہ و فیکلٹی ممبران نے پارلیمنٹ ہاؤس اسلام آباد کا دورہ کیا۔
ایوان بالاء کے اعلی حکام نے وفد کو پارلیمنٹ ہاؤس آمد پر خوش آمدید کہا۔وفد کو سینیٹ میوزیم کا دورہ کرایا گیا جہاں پر انہیں ایوان بالا کی تاریخ پر مبنی ڈاکومنٹری دکھائی گئی۔وفد نے سینیٹ میوزیم میں ملک کے ممتاز سیاستدانوں کے مجسموں اور تاریخی تصاویر میں دلچسپی کا اظہار کیا۔ وفد کو سینیٹ حال کا دورہ بھی کرایا گیا جہاں پر وفد کو سینیٹ اجلاس کی کاروائی بارے بھی تفصیلی آگاہ کیا گیا۔
وفد نے اس دورے کو نہایت مفید اور معلوماتی قرار دیا اور پارلیمنٹ ہاؤس بارے آگاہی اور استقبال پر سینیٹ حکام کا شکریہ بھی ادا کیا۔