ایمسٹلوین، 17 اگست، 2026 (نوشین) — پاکستان ایف آئی ایچ مینز ہاکی ورلڈ کپ 2026 کے پول ڈی کے اہم میچ میں آج نیدرلینڈز کے شہر ایمسٹلوین کے واگنر ہاکی اسٹیڈیم میں ویلز کے خلاف میدان میں اترے گا۔ قومی ٹیم کو اپنے ابتدائی میچ میں انگلینڈ کے ہاتھوں 4-1 کی شکست کا سامنا کرنا پڑا تھا، جس کے بعد اگلے مرحلے تک رسائی کی امیدیں برقرار رکھنے کے لیے ویلز کے خلاف کامیابی پاکستان کے لیے انتہائی اہم ہوگئی ہے۔پاکستانی ٹیم کے کوچنگ اسٹاف نے انگلینڈ کے خلاف میچ میں گول کرنے کے مواقع ضائع ہونے پر تشویش کا اظہار کیا ہے۔ قومی ٹیم نے میچ کے دوران گول کرنے کے چار واضح مواقع ضائع کیے تھے۔چار مرتبہ کی عالمی چیمپئن پاکستان آٹھ سال کے وقفے کے بعد ہاکی ورلڈ کپ میں واپس آئی ہے، تاہم ابتدائی شکست نے قومی ٹیم کی مہم کو مشکل بنا دیا ہے۔ دوسری جانب ویلز نے بھی ورلڈ کپ کا آغاز شکست سے کیا اور اپنے پہلے میچ میں بھارت کے ہاتھوں 3-1 سے ہار گیا۔ اس لیے آج کا مقابلہ دونوں ٹیموں کے لیے انتہائی اہمیت کا حامل ہے۔ پاکستان اور ویلز کے درمیان میچ پاکستانی وقت کے مطابق دوپہر 3 بج کر 30 منٹ پر شروع ہوگا۔فتح پاکستان کو اہم پوائنٹس فراہم کرنے کے ساتھ ساتھ ٹورنامنٹ کے اگلے مرحلے تک رسائی کی امیدیں بھی زندہ رکھے گی۔