ناگویا، یکم اکتوبر 2026 (کامران راجہ): چین نے ایشین گیمز میں خواتین کی ٹیم اسکواش چیمپئن شپ کے راؤنڈ رابن میچ میں پاکستان کو 2-1 سے شکست دے دی۔ چین کی 14 سالہ کھلاڑی ین زی یوان اور لیو زی یی نے اپنے میچز براہ راست گیمز میں جیت کر میزبان ٹیم کو کامیابی دلائی، جبکہ پاکستان کی ثنا بہادر نے شاندار کارکردگی کا مظاہرہ کرتے ہوئے پاکستان کی واحد فتح حاصل کی۔ لیو زی یی نے ماہ نور علی کو 3-0 سے شکست دی، ان کی کامیابی کا اسکور 11-4، 11-8 اور 11-2 رہا۔ پاکستان نے ثنا بہادر کی بدولت مقابلہ برابر کردیا، جنہوں نے ژانگ یُو نِنگ کو 3-0 سے شکست دی۔ ثنا نے تینوں گیمز 11-7، 11-9 اور 11-2 سے اپنے نام کیے۔ فیصلہ کن میچ میں چین کی 14 سالہ ین زی یوان نے سحریش علی کو 3-0 سے شکست دے کر چین کو 2-1 کی فتح دلا دی۔ ین نے پہلا گیم 11-3 سے جیتا، دوسرا گیم 7-11 سے ہارا، تاہم تیسرے گیم میں 11-3 سے کامیابی حاصل کرکے اپنی ٹیم کی فتح یقینی بنائی۔ ناگویا میں خواتین کی اسکواش ٹیم کے راؤنڈ رابن مرحلے کے جاری رہنے کے دوران چین کی یہ کامیابی اہم پیش رفت قرار دی گئی ہے۔