اڑان پاکستان نہ صرف ایک وژن ہے بلکہ یہ ایک قومی عہد ہے
اسلام آباد – 3 جنوری 2025 (کامران راجہ) : وفاقی وزیر برائے منصوبہ بندی، ترقی، اور خصوصی اقدامات احسن اقبال نے آج وزارت منصوبہ بندی میں ایک اڑان پاکستان کے تحت اقدامات اور منصوبوں کے نفاذ کی حکمت عملی کے حوالے سے پریس کانفرنس سے خطاب کرتے ہوئے حکومت پاکستان کے انقلابی منصوبے “اڑان پاکستان” کی تفصیلات بیان کیں۔
یہ منصوبہ 31 دسمبر 2024 کو وزیر اعظم میاں محمد شہباز شریف نے لانچ کیا تھا۔ وزیر نے اس منصوبے کے اہم اہداف، حکمت عملیوں، اور نفاذ کے طریقہ کار پر روشنی ڈالی اور ملک کو 2047 تک 3 کھرب ڈالر کی معیشت میں تبدیل کرنے کے عزم کا اعادہ کیا۔
احسن اقبال نے کہا کہ اڑان پاکستان نہ صرف ایک وژن ہے بلکہ یہ ایک قومی عہد ہے جو سماجی و اقتصادی چیلنجز کو حل کرنے، ملک کی پوشیدہ صلاحیتوں کو اجاگر کرنے، اور پائیدار ترقی کے مواقع پیدا کرنے کے لیے ترتیب دیا گیا ہے۔ انہوں نے کہا کہ اس منصوبے کی کامیاب عملد...
