Saturday, November 21

سلطان اذلان شاہ کپ: پاکستان نے امریکا کو 5-1 سے شکست دے کر مسلسل دوسری کامیابی حاصل کرلی

Pakistan Thrash USA 5-1 to Secure Second Consecutive Win in Azlan Shah Cup

ایپوہ، 21 نومبر 2026 (غفران): پاکستان نے 32ویں سلطان اذلان شاہ کپ میں شاندار کارکردگی کا سلسلہ جاری رکھتے ہوئے ہفتے کو امریکا کو 1-5 سے شکست دے کر ٹورنامنٹ میں مسلسل دوسری کامیابی حاصل کرلی۔ ملائیشیا کے شہر ایپوہ میں کھیلے گئے میچ میں گرین شرٹس نے جمعے کو اپنے افتتاحی مقابلے میں کینیڈا کو بھی اسی اسکور سے شکست دی تھی۔ پاکستان نے امریکا کے خلاف جارحانہ کھیل پیش کرتے ہوئے دوسرے کوارٹر میں 18ویں منٹ میں عبد الوحید اشرف رانا کے گول کی بدولت برتری حاصل کی، جبکہ تین منٹ بعد سفیان خان نے دوسرا گول کرکے برتری دگنی کردی۔ امریکی ٹیم نے 31ویں منٹ میں چیراسیکا سیکائی کے گول سے خسارہ کم کیا، تاہم پاکستان کے محمد عماد نے اگلے ہی منٹ میں گول کرکے اپنی ٹیم کی دو گول کی برتری بحال کردی۔ پاکستان نے میچ کے بقیہ حصے میں گیند پر کنٹرول برقرار رکھا اور مسلسل حملے کیے، جبکہ مضبوط دفاع کے باعث امریکی ٹیم کو مقابلے میں واپسی کا موقع نہیں دیا۔