
اسلام آباد، 16 نومبر 2026 (غفران): رپورٹس کے مطابق ہالی ووڈ اداکار رابرٹ پیٹنسن کو جیمز بانڈ کے مشہور کردار کے لیے منتخب کیے جانے کا دعویٰ کیا جا رہا ہے، جس کے بعد وہ ڈینیئل کریگ کی جگہ ایجنٹ 007 کا کردار ادا کر سکتے ہیں۔ ڈینیئل کریگ پانچ فلموں میں جیمز بانڈ کا کردار ادا کرنے کے بعد اس فرنچائز سے الگ ہو چکے ہیں۔ اس سے قبل کئی اداکاروں کے نام اس کردار کے لیے زیرِ غور آنے کی اطلاعات سامنے آئی تھیں۔ رپورٹس میں دعویٰ کیا گیا ہے کہ فلم کی ہدایت کاری ڈینس ویلینیو کریں گے، جبکہ ایمیزون ایم جی ایم کو فرنچائز کے تخلیقی معاملات میں اہم اختیار حاصل ہوگا۔ تاہم رابرٹ پیٹنسن کی بطور نئے جیمز بانڈ تقرری سے متعلق باضابطہ تصدیق سامنے آنا ابھی باقی ہے۔