ریاض، 25 اکتوبر 2026 (نوشین): سعودی عرب کے فضائی دفاعی نظام نے مکہ مکرمہ اور مدینہ منورہ کے قریب علاقوں کی جانب داغے گئے دو بیلسٹک میزائلوں کو روک کر تباہ کر دیا، جبکہ ان کا ملبہ مختلف مقامات پر گرا، سعودی سول ڈیفنس کے مطابق یہ واقعہ اتوار، 25 اکتوبر کو پیش آیا، جس کے دوران مکہ مکرمہ، جدہ، طائف اور رابغ کے بعض علاقوں میں میزائلوں کے ٹکڑے گرنے کی اطلاعات موصول ہوئیں۔ سول ڈیفنس کے ترجمان کے مطابق ملبہ مکہ ریجن کی وادی المغمس، جدہ کے ضلع النزهہ، طائف کی وادی جلیل اور رابغ کے مرکز مستورہ میں گرا۔ سول ڈیفنس کی ٹیمیں اور دیگر سکیورٹی ادارے فوری طور پر متاثرہ مقامات پر پہنچ گئے اور شہریوں کی حفاظت اور صورت حال پر قابو پانے کے لیے حفاظتی اقدامات کیے۔ حکام نے بعد ازاں میزائلوں کا ملبہ جمع کرکے متاثرہ علاقوں کو صاف کر دیا۔ رپورٹ میں جانی نقصان یا املاک کو پہنچنے والے نقصان سے متعلق مزید تفصیلات فراہم نہیں کی گئیں، جبکہ میزائل داغے جانے کے مقامات کی بھی نشاندہی نہیں کی گئی۔ رپورٹ میں اس حملے کی کوشش کا الزام حوثی جنگجوؤں پر عائد کیا گیا ہے۔