واشنگٹن، 26 ستمبر 2026 (کامران راجہ): امریکی صدر ڈونلڈ ٹرمپ نے اقوام متحدہ کی جنرل اسمبلی کے 81ویں اجلاس سے وزیراعظم شہباز شریف کے خطاب کا 87 سیکنڈز پر مشتمل اقتباس سوشل میڈیا پر شیئر کردیا، جس میں پاکستانی وزیراعظم نے 2025 کے پاک بھارت فوجی تنازع کے دوران ٹرمپ کی ’’بروقت مداخلت‘‘ پر ان کا شکریہ ادا کیا۔ ٹرمپ کی ٹروتھ سوشل پر شیئر کی گئی ویڈیو میں وزیراعظم شہباز شریف نے بھارت کے اقدام کو بیرونی جارحیت قرار دیتے ہوئے پاکستان کے ردعمل میں عسکری قیادت کے کردار کو سراہا اور تنازع کے خاتمے میں ٹرمپ کی کوششوں کا شکریہ ادا کیا۔ ٹرمپ نے یہ ویڈیو بغیر کسی الگ تبصرے کے شیئر کی۔ بھارت نے 2025 کے تنازع میں تیسرے فریق کی مداخلت کے دعووں کو مسترد کیا ہے اور مؤقف اختیار کیا ہے کہ فوجی کارروائیوں کا خاتمہ دونوں ممالک کے ڈائریکٹر جنرل ملٹری آپریشنز کے درمیان براہ راست رابطے کے بعد ہوا۔