اسلام آباد، 11 اگست 2026 (کامران راجہ): نائب وزیراعظم و وزیر خارجہ سینیٹر محمد اسحاق ڈار کو گزشتہ رات مملکت بحرین کے وزیر خارجہ ڈاکٹر عبداللطیف بن راشد الزیانی نے ٹیلی فون کیا۔ دوران گفتگو وزیر خارجہ ڈاکٹر الزیانی نے پاکستان، سعودی عرب اور ترکیہ کے درمیان مکہ مشترکہ دفاعی معاہدے پر دستخط ہونے پر نائب وزیراعظم و وزیر خارجہ کو مبارکباد دی۔ ڈاکٹر الزیانی نے مستقبل قریب میں پاکستان کا دورہ کرنے کی خواہش کا بھی اظہار کیا۔ نائب وزیراعظم اسحاق ڈار نے بحرینی وزیر خارجہ کی پاکستان کے دورے کی خواہش کا گرمجوشی سے خیرمقدم کیا اور ان کے نیک جذبات پر شکریہ ادا کیا۔ اسحاق ڈار نے خطے اور اس سے باہر امن و استحکام کے فروغ کے لیے مکالمے اور سفارت کاری کو مؤثر ذرائع کے طور پر آگے بڑھانے کے پاکستان کے پختہ عزم کا اعادہ کیا۔