اسلام آباد (کامران راجہ): وزیراعظم محمد شہباز شریف نے لانس نائک محمد محفوظ شہید (نشان حیدر) کے یوم شہادت پر انکی دلیری بہادری اور جرات کو خراج تحسین پیش کیا
انہوں نے کہا کہ لانس نائک محمد محفوظ شہید نے 1971 میں واہگہ اٹاری سیکٹر میں دشمن کی پیش قدمی کو تاریخی اور مثالی دلیری سے مقابلہ کرتے ہوئے مادر وطن کے تحفظ کو تاریخ میں امر کر دیا۔
لانس نائک محمد محفوظ شہید جیسے بہادر سپوت ہی پاکستان کے ناقابل تسخیر دفاع کی ضمانت ہیں۔
میں لانس نائک محمد محفوظ شہید نے اپنی جرات، دلیری اور بہادری سے ثابت کیا کہ پوری قوم دفاع وطن میں سیسہ پلائی ہوئی دیوار ہے۔ بزدل دشمن کے وار سے زخمی ہونے کے باوجود لانس نائک محمد محفوظ شہید نے 1971 میدان جنگ میں دشمن کا مقابلہ کرتے ہوئے تاریخ رقم کی۔
لانس نائک محمد محفوظ شہید کی میدان جنگ میں تاریخی بہادری آنے والی نسلوں کے لیے بھی مشعل راہ ہیں۔ پوری قوم کو محمد محفوظ شہید سمیت تمام بہادر شہداء پر فخر ہے جنہوں نے مادر وطن کے دفاع میں اپنی قیمتی جانوں کا نذرانہ پیش کیا۔