بتاریخ 29 دسمبر 2024(کامران راجہ): ائرپورٹس سیکورٹی فورس کی پشاور ائیر پورٹ پر کارروائی۔ اے ایس ایف کے عملے نے بروقت کارروائی کرکے پشاور سے دوحہ جانے والی پرواز پر ایک مسافر سے بھاری مقدار میں چرس برآمد کرلی۔
تفصیلات کے مطابق اے ایس ایف کے عملے نے دوحہ کی پرواز پر سفر کررہے ایک مسافر حسن ابراہیم کے سامان میں منشیات کی موجودگی کی نشاندہی کی۔ مسافر نے یہ منشیات پلاسٹک کے ڈبے کے اندر گڑ کی تہہ میں نہایت مہارت سے چھپا رکھی تھی تاہم اے ایس ایف کے عملے نے مسافر کے سامان کی تلاشی پر 10.600 کلوگرام چرس برآمد کرکے سمگلنگ کی کوشش ناکام بنادی۔
ملزم کو ابتدائی تفتیش کے بعد مزید قانونی کارروائی کے لیے برآمد شدہ منشیات کے ساتھ اے این ایف حکام کے حوالے کردیا گیا۔