مونٹیری، 27 اگست 2026 (نوشین): ڈنمارک کی کلارا تاؤسن نے بدھ کو میکسیکو کے شہر مونٹیری میں جاری ابیئرٹو جی این پی سیگوروس کے دوسرے راؤنڈ میں ٹاپ سیڈ روسی کھلاڑی ایکاترینا الیگزینڈرووا کو 7-6 (6)، 4-6، 6-3 سے شکست دے کر کوارٹر فائنل میں جگہ بنا لی۔ الیگزینڈرووا کو پہلے سیٹ میں دو مرتبہ سیٹ پوائنٹ حاصل ہوئے، جن میں ایک 6-5 پر تاؤسن کی سروس پر اور دوسرا ٹائی بریک کے آخری مرحلے میں تھا، تاہم تاؤسن نے اعصاب پر قابو رکھتے ہوئے سیٹ اپنے نام کرلیا۔ فیصلہ کن سیٹ میں تاؤسن نے 4-2 کی برتری حاصل کی، جو میچ میں ان کی واحد سروس بریک تھی، اور اس کے بعد کامیابی حاصل کرتے ہوئے اگلے مرحلے میں پہنچ گئیں۔دوسرے راؤنڈ کے دیگر مقابلوں میں الیسیا پارکس نے ابتدائی سیٹ ہارنے کے بعد تیسری سیڈڈ ماجا چوالنسکا کو 3-6، 6-2، 6-2 سے شکست دی، جبکہ جمہوریہ چیک کی دارجا وڈمانووا نے اسپین کی آٹھویں سیڈڈ کرسٹینا بوسا کو 6-4، 7-5 سے ہرا دیا۔ دوسری سیڈڈ بیلجیئم کی ایلیز مرٹنز نے ہنگری کی پانا اودواردی کو 6-1، 4-6، 6-3 سے شکست دی، جبکہ پانچویں سیڈڈ این لی نے ازبکستان کی ماریا تیموفیوا کے دستبردار ہونے کے بعد واک اوور کے ذریعے اگلے راؤنڈ میں جگہ بنا لی۔