استنبول، 24 اکتوبر 2026 (کامران راجہ): نائب وزیراعظم و وزیر خارجہ اسحاق ڈار نے مملکت سعودی عرب کی خودمختاری اور علاقائی سالمیت کے لیے پاکستان کی مکمل حمایت کا اعادہ کیا ہے۔ اسحاق ڈار نے یہ بات استنبول میں آر فور وزارتی اجلاس کے موقع پر سعودی وزیر خارجہ شہزادہ فیصل بن فرحان آل سعود سے ملاقات کے دوران کہی۔ ملاقات میں دونوں رہنماؤں نے پاکستان اور سعودی عرب کے دیرینہ برادرانہ تعلقات کو اجاگر کرتے ہوئے اسٹریٹجک باہمی دفاعی معاہدے اور مکہ دفاعی اتحاد کی اہمیت پر زور دیا۔ دونوں رہنماؤں نے خطے میں امن، سلامتی اور استحکام کے فروغ کے لیے اپنے مشترکہ عزم کا بھی اعادہ کیا۔ اس موقع پر دونوں جانب سے دوطرفہ تعلقات کی پائیدار مضبوطی پر اعتماد کا اظہار کرتے ہوئے باہمی دلچسپی کے شعبوں میں تعاون بڑھانے اور تمام سطحوں پر باقاعدہ مشاورت کے ذریعے اسٹریٹجک شراکت داری کو مزید مستحکم بنانے کے عزم کا اظہار کیا گیا۔ ملاقات دونوں ممالک کے درمیان قریبی رابطے اور تعاون جاری رکھنے کے عزم کی عکاس ہے، جس کا مقصد علاقائی استحکام اور مشترکہ اسٹریٹجک مفادات کا فروغ ہے۔