بھارت، 12 اکتوبر 2026 (غفران): بھارتی اوپننگ بلے باز ابھیشیک شرما نے ٹی ٹوئنٹی انٹرنیشنل کرکٹ میں کم ترین گیندوں پر 2 ہزار رنز مکمل کرنے کا عالمی ریکارڈ اپنے نام کر لیا ہے۔ ابھیشیک شرما نے یہ سنگ میل صرف 1024 گیندوں پر عبور کیا اور سابق بھارتی کپتان سوریا کمار یادو کو پیچھے چھوڑ دیا، جنہوں نے 2 ہزار رنز مکمل کرنے کے لیے 1164 گیندیں کھیلی تھیں۔ یہ ریکارڈ اندور میں ویسٹ انڈیز کے خلاف تیسرے ٹی ٹوئنٹی انٹرنیشنل میچ کے دوران قائم ہوا، جہاں ابھیشیک شرما نے جارحانہ بیٹنگ کرتے ہوئے صرف 30 گیندوں پر 69 رنز بنائے۔ انہوں نے محض 18 گیندوں پر اپنی نصف سنچری مکمل کرکے حریف ٹیم کے بولرز کو شدید دباؤ میں ڈال دیا۔ ابھیشیک شرما کی اس شاندار کارکردگی نے ٹی ٹوئنٹی انٹرنیشنل کرکٹ میں ان کی جارحانہ بیٹنگ اور بڑھتے ہوئے اثر و رسوخ کو نمایاں کیا ہے۔ کم ترین گیندوں پر 2 ہزار ٹی ٹوئنٹی انٹرنیشنل رنز مکمل کرنے والے کھلاڑیوں کی فہرست میں آسٹریا کے کرن بیر سنگھ تیسرے، آسٹریلیا کے ایرون فنچ چوتھے جبکہ متحدہ عرب امارات کے محمد وسیم پانچویں نمبر پر ہیں۔