اے ایس ایف کے عملے نے بروقت کارروائی کرکے دبئ جانے والی پرواز پر ایک مسافر سے آئس ہیروئن برآمد کرلی۔
بتاریخ 28 دسمبر 2024(کامران راجہ): ائرپورٹس سیکورٹی فورس کی فیصل آباد ائیر پورٹ پر کارروائی۔ اے ایس ایف کے عملے نے بروقت کارروائی کرکے دبئ جانے والی پرواز پر ایک مسافر سے آئس ہیروئن برآمد کرلی۔
تفصیلات کے مطابق دبئی کی پرواز پر اے ایس ایف کے عملے نے ایک مسافر محمد ابو بکر کے دستی سامان میں منشیات کی موجودگی کی نشاندہی کی۔ مسافر نے یہ منشیات اپنے بیگ میں مہارت سے چھپا رکھی تھی تاہم اے ایس ایف کے عملے نے مسافر کے سامان کی تلاشی پر 550 گرام آئس ہیروئن برآمد کرکے سمگلنگ کی کوشش ناکام بنادی۔
ملزم کو ابتدائی تفتیش کے بعد مزید قانونی کارروائی کے لیے برآمد شدہ منشیات کے ساتھ اے این ایف حکام کے حوالے کردیا گیا۔...
