اسلام آباد، 9 نومبر 2026 (غفران): بالی ووڈ اداکارہ کترینہ کیف اور ان کے شوہر اداکار وکی کوشل نے دیوالی کے موقع پر پہلی بار اپنے بیٹے ویہان کا چہرہ مداحوں کے سامنے پیش کر دیا۔ جوڑے نے 8 نومبر کو انسٹاگرام پر اپنی فیملی کی خوبصورت تصویر شیئر کرتے ہوئے مداحوں کو دیوالی کی مبارکباد دی، جس میں ننھے ویہان کو اپنے والدین کے ہمراہ روایتی لباس میں دیکھا جا سکتا ہے۔ کترینہ اور وکی نے تصویر کے کیپشن میں دیوالی کو اپنی زندگی کی سب سے روشن دیوالی قرار دیتے ہوئے سب کے لیے محبت، روشنی اور خوشیوں کی دعا کی۔ تصویر سوشل میڈیا پر سامنے آتے ہی مداحوں نے ننھے ویہان پر محبت اور پیار نچھاور کیا۔ واضح رہے کہ جوڑے نے 7 نومبر 2025 کو اپنے پہلے بیٹے کی پیدائش کا اعلان کیا تھا۔