اسلام آباد، 31 جولائی (کامران راجہ)2026: پاکستان کی معروف ٹیکنالوجی سروسز کمپنی زونگ نے سنٹرل ایشین والی بال ایسوسی ایشن مینز والی بال چیمپئن شپ 2026 میں پاکستان کی تاریخی کامیابی پر قومی ٹیم کو مبارکباد پیش کی۔ پاکستان نے فائنل میں بنگلہ دیش کو 3-0 سے شکست دے کر پہلی بار سی اے وی اے مینز والی بال چیمپئن شپ کا اعزاز اپنے نام کیا۔ زونگ نے اس چھ ملکی بین الاقوامی ٹورنامنٹ میں آفیشل ٹائٹل پارٹنر کی حیثیت سے اہم کردار ادا کیا۔ 22 سے 29 جولائی 2026 تک جاری رہنے والی چیمپئن شپ میں پاکستان، بنگلہ دیش، قازقستان، نیپال، سری لنکا، اور ازبکستان کی ٹیموں نے شرکت کی۔ اس ایونٹ نے نہ صرف خطے کے بہترین والی بال ٹیلنٹ کو یکجا کیا بلکہ کھیلوں کے فروغ، نوجوانوں کی حوصلہ افزائی، علاقائی تعاون اور دوستی کو بھی مزید مضبوط کیا۔
چیمپئن شپ کی افتتاحی تقریب میں سنٹرل ایشین والی بال ایسوسی ایشن ، پاکستان والی بال فیڈریشن ، حکومتی نمائندوں اور کارپوریٹ شراکت داروں نے شرکت کی، جبکہ اختتامی تقریب میں زونگ کے ہیڈ آف مارکیٹنگ ساجد منیر نے سی اے وی اے اور پی وی ایف کے حکام کے ہمراہ قومی ٹیم کو چیمپئن شپ ٹرافی پیش کی۔اس موقع پر ساجد منیر، ہیڈ آف مارکیٹنگ، زونگ نے کہا: “زونگ نے والی بال میں سرمایہ کاری کا فیصلہ سوچ سمجھ کر کیا کیونکہ یہ کھیل پاکستان کے لاکھوں نوجوانوں کے دلوں کی دھڑکن ہے۔ ہمارا یقین ہے کہ پاکستان میں اسپورٹس مارکیٹنگ کا مستقبل صرف روایتی کھیلوں تک محدود نہیں ہونا چاہیے بلکہ ایسے کھیلوں کو بھی مساوی مواقع ملنے چاہییں جو نوجوانوں میں بے حد مقبول ہیں۔”انہوں نے مزید کہا: “سی اے وی اے مینز والی بال چیمپئن شپ 2026 کے ساتھ ہماری شراکت داری اسی وژن کی عکاس ہے۔ زونگ کا جدید 5G نیٹ ورک شائقین کو اسٹیڈیم کے اندر اور باہر حقیقی وقت میں ایک دوسرے سے جڑے رہنے، اپنے جذبات کا اظہار کرنے اور اپنی یادگار لمحات فوری طور پر شیئر کرنے کی سہولت فراہم کرتا ہے۔ یہی مستقبل کا کھیل ہے، جہاں شائقین صرف میچ نہیں دیکھتے بلکہ اسے ایک ساتھ حقیقی وقت میں محسوس کرتے ہیں۔” انہوں نے کہا:
“پاکستان کی 3-0 سے تاریخی فتح پوری قوم کے لیے قابلِ فخر لمحہ ہے اور ہمیں اس کامیابی کا حصہ بننے پر بے حد خوشی ہے۔ ہمارا وژن ‘ایسا ہے فیوچر’ ایک ایسے پاکستان کی تعمیر ہے جہاں مصنوعی ذہانت اور جدید ٹیکنالوجی انسانی صلاحیتوں کو نئی بلندیوں تک لے جائے۔ کھیل اس خواب کی بہترین ترجمانی کرتے ہیں اور زونگ مستقبل میں بھی کھیلوں کی سرپرستی جاری رکھے گا۔”پاکستان والی بال فیڈریشن کے چیئرمین چوہدری محمد یعقوب نے زونگ کے تعاون کو سراہتے ہوئے کہا:”زونگ کی ٹائٹل پارٹنرشپ نے سی اے وی اے مینز والی بال چیمپئن شپ 2026 کو خطے کے نمایاں کھیلوں کے مقابلوں میں شامل کرنے میں اہم کردار ادا کیا ہے۔ ان کا تعاون نوجوانوں کی ترقی، کھیلوں کے فروغ، علاقائی تعاون اور پاکستان کی عالمی معیار کے کھیلوں کی میزبانی کی صلاحیت کو اجاگر کرتا ہے۔” زونگ کی سی اے وی اے کے ساتھ شراکت داری نوجوانوں کو بااختیار بنانے، جامع ترقی کے فروغ، علاقائی تعاون کو مضبوط بنانے اور ڈیجیٹل پاکستان کے وژن کو آگے بڑھانے کے عزم کی عکاسی کرتی ہے۔ پاکستان کی صفِ اول کی ٹیکنالوجی سروسز کمپنی کے طور پر زونگ مستقبل میں بھی ایسے اقدامات کی سرپرستی جاری رکھے گا جو نوجوانوں، کھیلوں اور قومی ترقی کے لیے مثبت اور دیرپا اثرات مرتب کریں۔