بتاریخ 08 اپریل 2025 (کامران راجہ): اے ایس ایف کے عملے نے بڑی کارروائی کرکے کراچی سے ٹورنٹو جانے والی پرواز پر ایک مسافر سے 2 کروڑ سے زائد مالیت کی مختلف کرنسیز برآمد کرلی۔
تفصیلات کے مطابق اے ایس ایف کے عملے نے کراچی سے ٹورنٹو کی پرواز پر سفر کررہے مسافر عرفان الحق کے سامان میں کرنسی کی موجودگی کی نشاندہی کی۔ مسافر کے سامان کی تفصیلی تلاشی پر 70 ہزار امریکی ڈالر، 2200 کنیڈین ڈالر اور 1 لاکھ 60 ہزار پاکستانی روپے( مجموعی طور پر 2 کروڑ ایک لاکھ پچیس ہزار پانچ سو) برآمد کرکے بیرون ملک کرنسی سمگلنگ کی کوشش ناکام بنادی۔
ملزم کو ابتدائی تفتیش کے بعد مزید قانونی کارروائی کے لیے برآمد شدہ کرنسیز کے ساتھ کسٹم حکام کے حوالے کردیا گیا۔