بتاریخ 02 جنوری 2025 (کامران راجہ): اے ایس ایف کے عملے نے بروقت کارروائی کرکے اسلام آباد سے بحرین جانے والی پرواز پر ایک مسافر سے 2 کلو گرام سے زائد آئس ہیروئن برآمد کرلی۔
تفصیلات کے مطابق اے ایس ایف کے عملے نے اسلام آباد سے بحرین کی پرواز پر سفر کررہے ایک مسافر فیصل سلطان کے سامان میں منشیات کی موجودگی کی نشاندہی کی۔
مسافر نے یہ منشیات بڑی مہارت سے اپنے بیگ کے پیندے میں چھپارکھی تھی تاہم اے ایس ایف کے پیشہ ورانہ مہارت کے حامل عملے نے مسافر کے سامان کی تلاشی پر 2.06 کلوگرام آئس ہیروئن برآمد کرکے سمگلنگ کی کوشش ناکام بنادی۔ملزم کو ابتدائی تفتیش کے بعد مزید قانونی کارروائی کے لیے برآمد شدہ منشیات کے ساتھ اے این ایف حکام کے حوالے کردیا گیا۔