وفاقی وزیر شازیہ مری کا کرسمس کے تہوار پر مسیحی برادری اور قائد اعظم کے جنم دن پر قوم کو مبارکباد
وفاقی وزیر برائے محکمہ تخفیف غربت اور سماجی تحفظ اور چیئرپرسن بینظیر انکم سپورٹ پروگرام شازیہ عطا مری نے مسیحی برادری کو کرسمس کے تہوار پر مبارکباد پیش کی ہے اور 25 دسمبر بانی پاکستان بابائے قوم قائد اعظم محمد علی جناح کے جنم دن پر بھی پوری قوم کو مبارکباد اور نیک تمناؤں کا اظہار کیا ہے۔
اپنے ایک جاری کردہ ویڈیو پیغام میں وفاقی وزیر شازیہ مری کا کہنا تھا کہ کرسمس کے تہوار کے موقع پرتمام مسیحی برادری کو دل کی گہرائیوں سے “میری کرسمس” کہتی ہوں، اور25 دسمبربابائے قوم قائد اعظم محمد علی جناح کی سالگرہ کے دن کے موقع پر بھی پوری قوم کو دل سے مبارکباد پیش کرتے ہیں، شازیہ مری کا مزید کہنا تھا کہ آئین ہم سب ملکر پاکستان کو قائد اعظم کے خواب کے مطابق جامع اور زیادہ ترقی پسند ملک بنائیں ۔