گوادر کے نوجوانوں کو مفت فنی تعلیم فراہم کرنے کے معاہدے پر دستخط.
سی پیک کے تحت چینی گرانٹ سے تعمیر کیے گئے پاک-چین ٹیکنیکل اینڈ ووکیشنل انسٹی ٹیوٹ (PCT & VI) کے مشترکہ آپریشن کے معاہدے پر دستخط کی تقریب بدھ کو گوادر بزنس سینٹر میں منعقد ہوئی۔
شیڈونگ انسٹی ٹیوٹ آف کامرس اینڈ ٹیکنالوجی (SICT)، گوادر پورٹ اتھارٹی (GPA)، یونیورسٹی آف گوادر (UoG)، چائنا اوورسیز پورٹس ہولڈنگ کمپنی (COPHC) کے درمیان چھ ماہ کے مختصر کورسز کی مفت فراہمی کے لیے مشترکہ آپریشن کے معاہدے پر دستخط کیے گئے جبکہ گوادر کے ہزاروں نوجوانوں کو فنی اور پیشہ ورانہ تربیت کے ساتھ تین سالہ ڈپلومہ پروگرام کا بھی آغاز بھی دیا گیا ہے۔
تقریب میں گوادر یونیورسٹی کے طلباء ،اور یونیورسٹی آف گوادر حکام نے شرکت کی۔ مشترکہ آپریشن کے معاہدے کے مطابق، PCT & VI اور GPA کی موجودہ نئی عمارت می تدریس، دفتر اور رہائش کی ضروریات کو پورا کرنے کے لیے جگہوں اور معاون سہولیات کی فراہمی کو یقینی بنائے گا۔ یہ پاکستان کے قوانین اور ضوابط کے مطابق متعلقہ طریقہ کار کو سنبھالنے کے لیے تمام سرکاری محکموں کے ساتھ تعاون بھی کرے گا جبکہ یہ پی سی ٹی اور وی آئی کے قابل طلباء کی انٹرن شپ اور ترجیحی ملازمت کے لیے COPHC کے ساتھ بھی تعاون بھی برقرار رکھے گا۔
مزید براں، گوادر یونیورسٹی اس ادارے کو بین الاقوامی معیار کے مطابق چلانے کی ذمہ دار ہوگی۔ یہ روزانہ کے انتظام، تعلیمی اور انتظامی سرگرمیوں، آپریٹنگ اخراجات کے لیے GPA کے ساتھ ہم آہنگی پیدا کرے گا۔
ایڈیٹر : راجہ کامران