اسلام آباد، 20 ستمبر 2026 (غفران): پاکستان فٹبال فیڈریشن (پی ایف ایف) نے اعلان کیا ہے کہ پی ایف ایف انڈر 17 چیمپئن شپ 2026 کا انعقاد اسلام آباد میں 23 ستمبر سے 4 اکتوبر 2026 تک ہوگا۔ چیمپئن شپ میں ملک بھر سے صوبائی اور علاقائی ٹیمیں شرکت کریں گی، جس سے نوجوان کھلاڑیوں کو قومی سطح پر مقابلے کا موقع ملے گا اور انہیں قیمتی مسابقتی تجربہ حاصل ہوگا۔ ہر شریک ٹیم 23 کھلاڑیوں اور 5 آفیشلز پر مشتمل ہوگی۔ یہ چیمپئن شپ ملک میں ڈومیسٹک فٹبال کی بحالی اور اسے مزید مضبوط بنانے، نوجوان کھلاڑیوں کے لیے مواقع بڑھانے اور پاکستان بھر میں یوتھ ڈویلپمنٹ کے لیے مضبوط راستہ قائم کرنے کی پی ایف ایف کی جاری کوششوں کا حصہ ہے۔ پی ایف ایف ٹیموں کی شرکت سے متعلق تمام اخراجات کے علاوہ چیمپئن شپ کے انعقاد سے متعلق دیگر اخراجات بھی برداشت کرے گا۔